ଝାଡାବାନ୍ତିରେ ୩୯ ଆକ୍ରାନ୍ତ ଓ ଜଣେ ମୃତ
ସମ୍ୱଲପୁର : ହୀରାକୁଦ ମହମ୍ମଦପୁରରେ ଝାଡାବାନ୍ତି ଆକ୍ରାନ୍ତ । ଏଯାଏଁ ମୋଟ ୩୯ ଜଣ ଆକ୍ରାନ୍ତ ହୋଇଥିବାବେଳେ ଜଣଙ୍କର ମୃତ୍ୟୁ ହୋଇଛି । ଅନ୍ୟ ୩୮ ଜଣଙ୍କ ମଧ୍ୟରୁ ୪ ଜଣ ବୁର୍ଲା ଭିମସାରରେ ଭର୍ତ୍ତି ହୋଇଛନ୍ତି । ମୃତକ ଜଣକ ହେଲେ ରବି ତିର୍କୀ । ତେବେ ତାଙ୍କର ମୃତ୍ୟୁ ଝାଡାବାନ୍ତି ଓ ନିମୋନିଆରୁ ହୋଇଥିବା ନେଇ ଡାକ୍ତରୀ ରିପୋର୍ଟରେ ଉଲ୍ଲେଖ ରହିଛି ।
ସେପଟେ ଏହି ଘଟଣା ଘଟିବା ପରେ ୨ଟି ମେଡିକାଲ ଟିମ୍ ସେଠାରେ ଡେରା ପକାଇଥିବାବେଳେ ଚିକିତ୍ସା ଚାଲିିଛି । ବାକିତକ ହୀରାକୁଦ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତିଥିବାବେଳେ କେନାଲ ପାଣି ପିଇ ଏପରି ହୋଇଥିବା ଜଣାପଡିଛି । ତେବେ ପାଣି ନମୂନା ସଂଗ୍ରହ ସରିଥିବା ଜଣପଡିଛି । ସେହିପରି ଗୁଣ୍ଡ୍ରୁପଡାରେ ମଧ୍ୟ ୫ ଜଣ ଆକ୍ରାନ୍ତ ହୋଇଥିବା ଜଣାପଡିଛି ।
Powered by Froala Editor
