ନ୍ୟୁଜିଲାଣ୍ଡର ବିଜୟଯାତ୍ରା ଜାରି
![ନ୍ୟୁଜିଲାଣ୍ଡର ବିଜୟଯାତ୍ରା ଜାରି](https://odishanewslens.com/news_gallery/25046_1696882181.jpeg)
ଦିନିକିଆ ବିଶ୍ୱକପରେ ନ୍ୟୁଜିଲ୍ୟାଣ୍ଡର ବିଜୟ ଧାରା ଜାରି ରହିଛି। ଉଦଘାଟନୀ ମ୍ୟାଚ୍ରେ ନ୍ୟୁଜିଲ୍ୟାଣ୍ଡ ଡିଫେଣ୍ଡିଂ ଚାମ୍ପିୟନ ଇଂଲଣ୍ଡକୁ ହରାଇଥିବା ବେଳେ ନେଦରଲ୍ୟାଣ୍ଡ୍ସକୁ ମାତ ଦେଇଛି। ପ୍ରଥମ ମ୍ୟାଚରେ ଇଂଲଣ୍ଡକୁ ହରାଇ ଦେଇଥିବା ନ୍ୟୁଜିଲାଣ୍ଡ ନେଦରଲାଣ୍ଡସକୁ ୯୯ ରନର ବଡ଼ ବ୍ୟବଧାନରେ ପରାସ୍ତ କରିଛି ।
ହାଇଦ୍ରାବାଦରେ ଖେଳା ଯାଉଥିବା ମ୍ୟାଚ୍ରେ ଟସ୍ ହାରି ପ୍ରଥମେ ବ୍ୟାଟିଂ କରୁଥିବା ନ୍ୟୁଜିଲ୍ୟାଣ୍ଡ ନିର୍ଦ୍ଧାରିତ ୫୦ ଓଭର୍ରେ ୭ ୱିକେଟ ହରାଇ ୩୨୨ ରନ କରିଥିଲା। ଏହାର ଜବାବରେ ନେଦରଲ୍ୟାଣ୍ଡ୍ସ ୪୭.୩ ଓଭର୍ରେ ସମସ୍ତ ୱିକେଟ ହରାଇ କେବଳ ୨୨୩ ରନ କରିବାକୁ ସକ୍ଷମ ହୋଇଛି।
ଫଳରେ ଟମ ଲାଥମଙ୍କ ନ୍ୟୁଜିଲ୍ୟାଣ୍ଡ ୯୯ ରନରେ ମ୍ୟାଚ୍ ଜିତି ନେଇଛି। ଏହା ନ୍ୟୁଜିଲ୍ୟାଣ୍ଡର କ୍ରମାଗତ ଦ୍ୱିତୀୟ ବିଜୟ ହୋଇଥିବା ବେଳେ ଡଚ୍ ଟିମର ଦ୍ୱିତୀୟ ପରାଜୟ।
Powered by Froala Editor