ଟ୍ରଙ୍କରୁ ତିନି ଭଉଣୀଙ୍କ ମୃତଦେହ ଉଦ୍ଧାର
ପଞ୍ଜାବର ଜଳନ୍ଧର ଜିଲା ଅନ୍ତର୍ଗତ କାନପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ନିଖୋଜ ଥିବା ତିନି ଭଉଣୀଙ୍କ ମୃତଦେହ ସେମାନଙ୍କ ଘରେ ଥିବା ଏକ ଟ୍ରଙ୍କ ଭିତରୁ ଉଦ୍ଧାର ହୋଇଛି। ମୃତ ୩ ଭଉଣୀ ହେଲେ ଅମ୍ରିତା(୯), ଶକ୍ତି(୭) ଏବଂ କାଞ୍ଚନ(୪)।ବାପା-ମାଆ ଘରେ ନଥିବାବେଳେ ଝିଅମାନଙ୍କୁ କିଏ ହତ୍ୟା କରି ଟ୍ରଙ୍କରେ ଭର୍ତ୍ତି କରିଛି, ନା ଘଟଣା ପଛରେ ଆଉ କିଛି କାରଣ ଅଛି, ତା'ର ଖୋଳତାଡ କରୁଛି ପୁଲିସ।
ମିଳିଥିବା ସୂଚନା ମୁତାବକ, ମୃତ ନାବାଳିକାଙ୍କ ବାପା-ମାଆ ସ୍ଥାନୀୟ ଅଞ୍ଚଳରେ ପ୍ରାବାସୀ ଶ୍ରମିକ ଭାବେ କାମ କରନ୍ତି। ସେମାନଙ୍କର 5ଟି ସନ୍ତାନ। ପ୍ରତିଦିନ ପରି ରବିବାର ବି ସେମାନେ କାମକୁ ଯାଇଥିଲେ। କିନ୍ତୁ କାମରୁ ଫେରିବା ପରେ ଦୁଇ ଜଣ ପିଲା ଥିବାବେଳେ ଅନ୍ୟ ତିନି ଜଣ ଝିଅଙ୍କୁ ପାଇନଥିଲେ। ଏନେଇ ସେମାନେ ପୁଲିସରେ ଖବର ଦେଇଥିଲା।
୩ ଭଉଣୀ ନିଖୋଜ ଥିବା ନେଇ ପରିବାର ଲୋକେ ରବିବାର ଥାନାରେ ଅଭିଯୋଗ କରିଥିଲେ। ଏଭଳିସ୍ଥିତିରେ ପରିବାର ଲୋକେ ଖୋଜାଖୋଜି ବେଳେ ଘରେ ଥିବା ଏକ ବାକ୍ସରେ ମୃତଦେହ ଥିବା ଦେଖିବାକୁ ପାଇଥିଲେ। ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଅନ୍ୟପକ୍ଷେ ଘର ମାଲିକ ଘର ଖାଲି କରିବାକୁ ଧମକ ଦେଇଥିବା ଝିଅଙ୍କ ବାପା କହିଛନ୍ତି।
Powered by Froala Editor
