ସ୍କ୍ରବ ଟାଇଫସ୍ ଆତଙ୍କ : ବରଗଡ଼ରେ ୫ ମୃତ
ବରଗଡ଼ : ରାଜ୍ୟରେ ସ୍କ୍ରବ ଟାଇଫସ୍ ଆତଙ୍କ। ବରଗଡ଼ ଜିଲ୍ଲାରେ ସ୍କ୍ରବ ଟାଇଫସ୍ କୀଟ କାମୁଡ଼ାରେ ୧୨ ଦିନ ମଧ୍ୟରେ ୫ ଜଣଙ୍କ ମୃତ୍ୟୁ ଘଟିଛି। ୪ ଜଣଙ୍କ ରକ୍ତନମୁନାରୁ ପଜିଟିଭ୍ ଚିହ୍ନଟ ହୋଇଛନ୍ତି । ଗତକାଲି ପୁଣି ୧୪ ରକ୍ତ ନମୁନା ପରୀକ୍ଷାରୁ ଆହୁରି ୫ ଜଣଙ୍କୁ ଚିହ୍ନଟ କରାଯାଇଛି।
ସୂଚନାନୁଯାୟୀ, ସମସ୍ତ ରୋଗୀ ହେଉଛନ୍ତି ପଦ୍ମପୁର ଅଞ୍ଚଳର ଖଲା ବାହାଲ, ଚାରପାଲି, ବୁକୁରା ମୁଣ୍ଡା, ବୁଗୁଡ଼ା ଓ କୁମୁନି ବାହାଲର। ସମସ୍ତଙ୍କ ସ୍ୱାସ୍ଥ୍ୟ ଅବସ୍ଥା ଠିକ୍ ରହିଛି। ସମସ୍ତେ ପଦ୍ମପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ପ୍ରକାଶ ଥାଉକି, ଚିଗର୍ସ ନାମକ କୀଟ କାମୁଡିଲେ ସ୍କ୍ରବ ଟାଇଫସ୍ ହୋଇଥାଏ। ଏହା ଦ୍ୱାରା ଜ୍ୱର ହୁଏ , ଆଉ ଜ୍ୱର ନ କମିଲେ ଏହା ଶରୀର ପାଇଁ ଘାତକ ବି ହୋଇପାରେ । ବର୍ଷା ଦିନରେ ଏହା ବ୍ୟାପିବା ସମ୍ଭାବନା ଅଧିକ । ଓଡ଼ିଶା ସମେତ ସାରା ଦେଶର ଏହି ଜ୍ୱର ବ୍ୟାପୁଛି ।
Powered by Froala Editor
