ଯେଉଁ ଅଭିଭାବକମାନେ ପିଲାମାନଙ୍କୁ ତିନି ବର୍ଷରୁ କମ ବୟସରେ ପ୍ରି-ସ୍କୁଲ ଯିବାକୁ ବାଧ୍ୟ କରୁଛନ୍ତି ସେମାନେ ବେଆଇନ କାର୍ଯ୍ୟ କରୁଛନ୍ତି। ୨୦୨୩-୨୪ ଶିକ୍ଷାବର୍ଷରେ ପ୍ରଥମ ଶ୍ରେଣୀରେ ପ୍ରବେଶ ପାଇଁ ସର୍ବନିମ୍ନ ବୟସ ସୀମା ସ୍ଥିର କରିବାକୁ ରାଜ୍ୟ ସରକାରଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରି ଗୁଜରାଟ ହାଇକୋର୍ଟ ଏଭଳି କହିଛନ୍ତି । 

ପ୍ରଧାନ ବିଚାରପତି ସୁନୀତା ଅଗ୍ରୱାଲ ଏବଂ ଜଷ୍ଟିସ ଏନ.ଭି ଅଞ୍ଜରିଆଙ୍କୁ ନେଇ ଏକ ଡିଭିଜନ ବେଞ୍ଚ କହିଛନ୍ତି ତିନି ବର୍ଷରୁ କମ ପିଲାମାନଙ୍କୁ ପ୍ରି-ସ୍କୁଲରେ ପଢ଼ିବାକୁ ବାଧ୍ୟ କରିବା ପିତାମାତାଙ୍କ ଦ୍ୱାରା ଏକ ବେଆଇନ କାର୍ଯ୍ୟ। ବେଞ୍ଚ କହିଛନ୍ତି, ଯେଉଁମାନେ ଆମ ପାଖରେ ଆବେଦନ କରିଛନ୍ତି ଅଧିକାର ଆଇନ, ୨୦୦୯ର ଉଲ୍ଲଂଘନ କରି ଦୋଷୀ ହୋଇଛନ୍ତି। ୨୦୧୨ ର ଧାରା ୮ କୁ ଦର୍ଶାଇ କୋର୍ଟ କହିଛନ୍ତି ଯେ ବର୍ଷର ଜୁନ ୧ ସୁଦ୍ଧା ତିନି ବର୍ଷ ବୟସ ପୂରଣ କରି ନ ଥିବା କୌଣସି ପ୍ରି-ସ୍କୁଲ ପିଲାଙ୍କୁ ଗ୍ରହଣ କରିବେ ନାହିଁ।

୧ ଜାନୁଆରୀ ୨୦୨୩ ରେ ରାଜ୍ୟ ସରକାର ଏକ ବିଜ୍ଞପ୍ତି ଜାରି କରିଥିଲେ। ଏଥିରେ, ୨୦୨୩-୨୪ ଶିକ୍ଷାବର୍ଷରେ ପ୍ରଥମ ଶ୍ରେଣୀରେ ଆଡମିଶନ ପାଇଁ ବୟସ ସୀମା ଛଅ ବର୍ଷରେ ସ୍ଥିର କରାଯାଇଥିଲା। ଏହି ବିଜ୍ଞପ୍ତିକୁ ପିଲାମାନଙ୍କର ପିତାମାତାଙ୍କ ଏକ ଗୋଷ୍ଠୀ ଚ୍ୟାଲେଞ୍ଜ କରିଥିଲେ, ଯେଉଁମାନେ ୧ ଜୁନ ୨୦୨୩ ସୁଦ୍ଧା ଛଅ ବର୍ଷ ପୂରଣ କରିନାହାଁନ୍ତି।

Powered by Froala Editor