ସୁରକ୍ଷାକର୍ମୀ-ମାଓବାଦୀ ଗୁଳି ବିନିମୟ: ଦୁଇ ନକ୍ସଲ ନିହତ
ଛତିଶଗଡ଼ର କୋଣ୍ଡାଗାଓ ଜିଲ୍ଲାରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ବହୁ ମାଓବାଦୀ ଆହତ ହୋଇଥିବା ବେଳେ ୨ଜଣଙ୍କ ଜୀବନ ଯାଇଛି। ତେବେ ଏଥିସହ ସୁରକ୍ଷାକର୍ମୀ ମାଓବାଦୀଙ୍କ ୩ଟି ବନ୍ଧୁକ ସହ ଅନ୍ୟ କେତେକ ମାରଣାସ୍ତ୍ର ଜବତ କରିଛନ୍ତି । ଏନେଇ ସୂଚନା ଦେଇଛନ୍ତି ବସ୍ତର ଆଇଜି ପି.ସୁନ୍ଦରରାଜ।
ମେନପୁର ନକ୍ସଲ୍ ଡିଭିଜନ୍ର ୧୨ରୁ ଅଧିକ ସଶସ୍ତ୍ର ନକ୍ସଲ ଭଣ୍ଡାରି ଜଙ୍ଗଲରେ ଏକ କ୍ୟାମ୍ପ୍ କରି ରହୁଥିବା ଗୁଇନ୍ଦା ବିଭାଗ ପୋଲିସକୁ ସୂଚନା ଦେଇଥିଲା । ସୂଚନା ପାଇ ଡିଆରଜି ଓ ଏସ୍.ଟି.ଏଫ୍ ବାହିନୀ ମିଳିତ ଭାବେ ଆରମ୍ଭ କରିଥିଲେ କୁମ୍ବିଂ ଅପରେସନ୍ । ଯବାନଙ୍କୁ ଦେଖି ପ୍ରଥମେ ମାଓବାଦୀମାନେ ଗୁଳି ଚାଳନା କରିଥିଲେ । ହେଲେ ପାଲଟା ଜବାବ ଦେବାରେ ଯବାନମାନେ ଆଦୌ ହେଳା କରିନଥିଲେ ।
ପ୍ରାୟ ଘଣ୍ଟାଏ କାଳ ଧରି ଗୁଳି ବିନିମୟ ହେବା ପରେ ନକ୍ସଲମାନେ ଚମ୍ପଟ୍ ମାରିଥିଲେ । ଏନକାଉଣ୍ଟରରେ ଜଣେ ପୁରୁଷ ଓ ଜଣେ ମହିଳା ମାଓବାଦୀ ନିହତ ହୋଇଥିବା ସୂଚନା ରହିଛି । ଦୁଇଜଣଙ୍କ ମୃତଦେହ ସମେତ ଘଟଣାସ୍ଥଳରୁ ୫ଟି ବନ୍ଧୁକ ଓ ବିପୁଳ ମାତ୍ରାରେ ବିସ୍ଫୋରକ ସାମଗ୍ରୀକୁ ଜବତ କରାଯାଇଛି ।
Powered by Froala Editor
