ଶୋଲେ’ର ଏହି ଡାଇଲଗ ମାରି କେନ୍ଦ୍ର ବିରୋଧରେ ସ୍ୱର ଉଠାଇବାକୁ ବିପକ୍ଷ ଦଳ ମୁଖ୍ୟମନ୍ତ୍ରୀମାନଙ୍କୁ ମମତାଙ୍କ ଆହ୍ୱାନ
କୋଲକାତା: ‘ଜୋ ଡରତେ ହେଁ, ୱ ମରତେ ହେଁ’। ସୋମବାର ସତୁରୀ ଦଶକର ବ୍ଲକ୍ବଷ୍ଟର ଫିଲ୍ମ ‘ଶୋଲେ’ର ଏହି ଡାଇଲଗ ମାରି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାରଙ୍କ ବିରୋଧରେ ସ୍ୱର ଉଠାଇବାକୁ ଦେଶର ସମସ୍ତ ବିପକ୍ଷ ଦଳର ମୁଖ୍ୟମନ୍ତ୍ରୀମାନଙ୍କୁ ଆହ୍ୱାନ ଦେଇଛନ୍ତି। କେନ୍ଦ୍ର ସରକାରଙ୍କୁ ‘ଏକଛତ୍ରବାଦୀ’ ବୋଲି କହିବା ସହ ଭୟଭୀତ ନହୋଇ ଏକାଠି ମିଶି ସ୍ୱର ଉଠାଇବାକୁ ସେ ଦେଶର ସମସ୍ତ ବିପକ୍ଷ ଦଳର ମୁଖ୍ୟମନ୍ତ୍ରୀମାନଙ୍କୁ ଅନୁରୋଧ କରିଛନ୍ତି।
ମମତା କହିଛନ୍ତି, ଆମେ ସେମାନଙ୍କ (ବିଜେପି ନେତୃତ୍ୱାଧୀନ କେନ୍ଦ୍ର ସରକାର) ଧମକକୁ ଡରୁ ନାହୁଁ। ପଶ୍ଚିମବଙ୍ଗ କେବେ ହାରିବା ଶିଖି ନାହିଁ। ଆମେ ସର୍ବଦା ମୁଣ୍ଡ ଟେକି ଚାଲିବୁ।
Powered by Froala Editor
