ଚାଞ୍ଚଲ୍ୟ: ଯୁବକଙ୍କ ଅତର୍କିତ ଖଣ୍ଡା ଚୋଟରେ ୨ ମହିଳା ମୃତ
ପାରାଦୀପ : ଯୁବକଙ୍କ ଖଣ୍ଡା ଚୋଟରେ ୨ ମହିଳା ମୃତ। କୁଜଙ୍ଗ ଥାନାରୁ ମାତ୍ର ଦୁଇ ଶହ ମିଟର ଦୂରରେ ଥିବା ଏକ୍ସପ୍ରେସ କଲୋନୀରେ ଏଭଳି ଅଭାବନୀୟ ଘଟଣା ଘଟିଛି।ସୂଚନାନୁଯାୟୀ, କେନ୍ଦ୍ରାପଡ଼ା ମାର୍ଶାଘାଇ ଥାନା ଆମେଇପାଳ ଗାଁର ସହଦେଵ ମହ୍ଲ ଓ ତାଙ୍କ ପତ୍ନୀ ନିର୍ମଳା ଲେଙ୍କା (୫୪ ବର୍ଷ) କଲୋନୀରେ ସପରିବାର ଭଡାରେ ରହୁଥିଲେ। ରବିବାର ସକାଳେ ଜଣେ ଯୁବକ ହଠାତ ନିର୍ମଳାଙ୍କୁ ଖଣ୍ଡାରେ ଅତର୍କିତ ଆକ୍ରମଣ କରିଥିଲା। ଫଳରେ ଘଟଣସ୍ଥଳରେ ହିଁ ନିର୍ମଳାଙ୍କର ମୃତ୍ୟୁ ହୋଇଥିଲା। ତେବେ ଯୁବକ ଜଣଙ୍କ ପୁଣି ଅନିତା ରାଉତ ନାମକ ଅନ୍ୟ ଜଣେ ମହିଳାଙ୍କୁ ଖଣ୍ଡାରେ ଆକ୍ରମାଣ କରିଥିଲା। ଫଳରେ ମହିଳା ଜଣଙ୍କ ଗୁରୁତର ହୋଇ ପଡ଼ିଥିଲେ। ମାତ୍ର କେଇ ମିନିଟ ଭିତରେ ତାଙ୍କର ମଧ୍ୟ ମୃତ୍ୟୁ ହୋଇଥିଲା।
ଏହି ଘଟଣା ପରେ ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ପୁଲିସ ବିଳମ୍ବରେ ହେଲେ ବି ଘଟଣା ସ୍ଥଳରେ ପହଞ୍ଚି ଖଣ୍ଡା ଜବତ କରିଛି।
Powered by Froala Editor
