ପଶ୍ଚିମବଙ୍ଗର ପୂର୍ବ ବର୍ଦ୍ଧମାନ ଜିଲ୍ଲାର କାଳିନଗର ରେଳ ଷ୍ଟେସନରେ ଛାତିଥରା ଘଟଣା ସାମ୍ନାକୁ ଆସିଛି । କେହି କିଛି ଭାବିବା ଆଗରୁ ହଠାତ୍ ଜଣେ ୪ମାସର ଗର୍ଭବତୀ ନାବାଳିକା ରେଳ ଧାରଣାରେ ଶୋଇପଡ଼ିଥିଲେ। ଧାରଣାରେ ଦ୍ରୁତଗତିରେ ଆସୁଥିବା ଏକ ଟ୍ରେନ ତାଙ୍କ ଉପରେ ଚଢ଼ି ଚାଲିଯାଇଥିଲା। ଆଖିପିଛୁଳାକେ ନାବାଳିକାଙ୍କ ଜୀବନ ଚାଲି ଯାଇଥିଲା। ଏହି ଲୋମଟାଙ୍କୁରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଦେଖିବାକୁ ମିଳୁଛି ଗର୍ଭବତୀ ନାବାଳିକା ରେଳଧାରଣାରେ ଶୋଇଥିବା ବେଳେ ତାଙ୍କ ଉପ‌ର ଦେଇ ଏକ ଟ୍ରେନ ଅତିକ୍ରମ କରୁଛି।

ତଦନ୍ତରୁ ଜଣାପଡ଼ିଛି ନାବାଳିକାଙ୍କ ନାମ ରୁମୈୟା ଖାତୁନ ବୟସ ୧୭ବର୍ଷ । ଜଣକ ସେ ୪ମାସର ଗର୍ଭବତୀ ଥିଲେ। ରୁମୈୟାଙ୍କ ଦାଦା କହନ୍ତି, ‘ରୁମୈୟା ବିବାହିତ ଥିଲା। ସେ ଅନେକ ଦିନ ହେବ ଚିନ୍ତାରେ ଥିଲା। ରାତିରେ ନିଦ ହେଉନାହିଁ ଶୋଇ ପାରୁ ନାହିଁ ବୋଲି କହୁଥିଲା।

ସିସିଟିଭି ଫୁଟେଜ ଯାଞ୍ଚରୁ ଜଣାପଡୁଛି, ନାବାଳିକା ଯେ‌ତେବେଳେ ରେଳ ଧାରଣାରେ ଶୋଇବାକୁ ଯାଉଥିଲେ ଘଟଣାସ୍ଥଳରେ ଅନେକ ଲୋକ ଉପସ୍ଥିତ ଥିଲେ, କିନ୍ତୁ ତାଙ୍କୁ କେହି ବି ଉଦ୍ଧାର କରି ନଥିଲେ। ବରଂ ଘଟଣାର ଭିଡିଓ ପ୍ରସ୍ତୁତ କରିବାରେ ଲାଗିଥିଲେ।

ପୁଲିସ କହିଛି, ଯେମିତି ଧାରଣାରେ ଟ୍ରେନ ଆସିଥିଲା ଗର୍ଭବତୀ ନାବାଳିକା ସେଠାରୁ ଉଠି ଆସିବାକୁ ଚେଷ୍ଟା କରିଥିଲେ। କିନ୍ତୁ ଟ୍ରେନ ତାଙ୍କ ଉପରେ ମାଡ଼ି ଚାଲି ଯାଇଥିଲା। ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲେ ହେଁ ଡାକ୍ତର ମୃତ ଘୋଷଣା କରିଥିଲେ।

Powered by Froala Editor