ତାୱା ରୋଷେଇ ଘରର ଏକ ଗୁରୁତ୍ୱପୂର୍ଣ୍ଣ ଜିନିଷ। ତାୱା ବିନା ରୁଟି କିମ୍ବା ପରଟା ତିଆରି କରିବା ଅସମ୍ଭବ। ମାତ୍ର ଲଗାତାର ବ୍ୟବହାର କରିବା ଦ୍ୱାରା ଏହା ସମ୍ପୂର୍ଣ୍ଣ କଳା ହୋଇଯାଏ। କଳଙ୍କି ମଧ୍ୟ ଲାଗିଯାଏ। ଏହାପରେ ଏଥିରେ ରୁଟି ଭଲ ଭାବେ ତିଆରି ହୋଇ ପାରିନଥାଏ। ଗ୍ୟାସ ମଧ୍ୟ ଅଧିକ ଖର୍ଚ୍ଚ ହୋଇଥାଏ।
ବିଶେଷ କରି ଲୁହା ତାୱାରେ ପରଟା କିମ୍ବା ଆମଲେଟ୍‌‌ ତିଆରି କରିବା ପରେ ତେଲ ଅଂଶ କାରଣରୁ ଏହା ଚିକଟା ହେବାକୁ ଲାଗିଥାଏ। ରୁଟି ହେବା ପରେ ଅଟା ଗୁଣ୍ଡ ଓ ତେଲ ଅଂଶ ମିଶି ଧିରେ ଧିରେ ଏହା କଳା ଓ କଳଙ୍କିର ଆସ୍ତରଣ ସୃଷ୍ଟି କରେ। ସାଧାରଣତଃ ତାୱାକୁ ସାବୁନରେ ମାଜି ସଫା କରାଯାଏ। ମାତ୍ର ଏହାଦ୍ୱାରା ଭଲ ଭାବେ ସଫା ହୋଇ ପାରିନଥାଏ। ଏଭଳି ଏକ ସହଜ ଓ ଘରୋଇ ଉପାୟ ବିଷୟରେ ଜାଣନ୍ତୁ ଯାଦ୍ୱାରା ତାୱାରୁ କଳାଦାଗ ଓ କଳଙ୍କି ସମ୍ପୂର୍ଣ୍ଣ ଭାବେ ସଫା ହୋଇ ଚକ୍‌‌ଚକ୍‌‌ କରିବ।
ଆବଶ୍ୟକ ସାମଗ୍ରୀ..
ଉଷୁମ ପାଣି
ଲେମ୍ବୁ – ୧ଟା
ଲୁଣ – ୧ ଚାମଚ
ପ୍ରଥମେ ତାୱାରେ କିଛି ଖାଦ୍ୟ ଲାଗି ଥିଲେ, ଏହାକୁ ଭଲ ଭାବେ ଧୋଇ ଦିଅନ୍ତୁ। ଏହାପରେ ଲୁଣକୁ ତାୱାର ଚାରି ଆଡେ ପକାନ୍ତୁ। ୧୫ ମିନିଟ ଯାଏଁ ଏହାକୁ ରଖି ଦିଅନ୍ତୁ। ଏବେ ଲେମ୍ବୁ ଓ ଉଷୁମ ପାଣିରେ ଏହାକୁ ଭଲ ଭାବେ ସଫା କରି ଦିଅନ୍ତୁ। ଲୁଣ ଓ ବେକିଙ୍ଗ ସୋଡା ମିଶାଇ ମଧ୍ୟ ତାୱାକୁ ସଫା କରି ପାରିବେ।

Powered by Froala Editor