ଓଟିଟି ପ୍ଲାଟଫର୍ମରେ ରିଲିଜ ହେବ ‘ଦି କେରଲା ଷ୍ଟୋରି’ , ଜ଼ୀ ୫ ରେ ମୁକ୍ତିଲାଭ କରିପାରେ
![ଓଟିଟି ପ୍ଲାଟଫର୍ମରେ ରିଲିଜ ହେବ ‘ଦି କେରଲା ଷ୍ଟୋରି’ , ଜ଼ୀ ୫ ରେ ମୁକ୍ତିଲାଭ କରିପାରେ](https://odishanewslens.com/news_gallery/21562_1684091761.jpg)
ବହୁ ବିବାଦ ପରେ ବି ବକ୍ସ ଅଫିସରେ କମାଲ କରିଛି ଦ କେରଲା ଷ୍ଟୋରି । ସୁଦୀପ୍ତ ସେନଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମରେ ଦର୍ଶାଯାଇଛି ଯେ କେରଳର ମହିଳାମାନଙ୍କୁ କିପରି ଇସଲାମ ଧର୍ମ ଗ୍ରହଣ କରିବାକୁ ବାଧ୍ୟ କରାଯାଇଥିଲା ଏବଂ ଆତଙ୍କବାଦୀ ସଂଗଠନ ଆଇଏସଆଇଏସ ଦ୍ୱାରା ନିଯୁକ୍ତି ଦିଆଯାଇଥିଲା। ଗତ ସପ୍ତାହରେ ମୁକ୍ତିଲାଭ କରିବା ପରଠାରୁ ଏହି ଚଳଚ୍ଚିତ୍ର ବିବାଦରେ ରହିଛି। ତେବେ ଏହି ଫିଲ୍ମ ଆୟ ଦୃଷ୍ଟିରୁ ଶହେ କୋଟି କ୍ଲବରେ ସାମିଲ ହୋଇସାରିଛି । ‘ଦ କେରଳ ଷ୍ଟୋରି’ ମୋଟ ରୋଜଗାର ୧୧୨.୯୯ କୋଟିରେ ପହଞ୍ଚିଛି। ମେ ୧୨ରେ ୧୨.୩୫ କୋଟି ଟଙ୍କା ଆୟ କରିଥିଲା । ସେହିପରି ମେ ୧୩ ୧୯.୫ କୋଟି ଟଙ୍କା ସଂଗ୍ରହ କରିଛି ।
ସୂଚନା ମୁତାବକ କିଛି ଲୋକ ଏପର୍ଯ୍ୟନ୍ତ ପ୍ରେକ୍ଷାଳୟରେ ଫିଲ୍ମ ଦେଖିଥିବାବେଳେ କିଛି ଲୋକ ଫିଲ୍ମର ଓଟିଟିରେ ରିଲିଜକୁ ଅପେକ୍ଷା କରିଛନ୍ତି । ଜି ନେଟୱାର୍କ ଫିଲ୍ମ ‘ଦ କେରଳ ଷ୍ଟୋରି’ର ଷ୍ଟ୍ରିମିଂ ରାଇଟ୍ସ କିଣିଛି, ତେଣୁ ଏହା ଜ଼ୀ୫ ରେ ମୁକ୍ତିଲାଭ କରିପାରେ। ତେବେ ଫିଲ୍ମ ନିର୍ମାତାଙ୍କ ପକ୍ଷରୁ ଏନେଇ କୌଣସି ଘୋଷଣା କରାଯାଇ ନାହିଁ।
Powered by Froala Editor