ଭ୍ୟାନ ଉପରେ ଓଲଟି ପଡିଲା ଟ୍ରକ୍: ୮ ମୃତ
ଉତ୍ତରପ୍ରଦେଶର ମୁରାଦାବାଦରେ ଘଟିଛି ହୃଦୟ ବିଦାରକ ସଡ଼କ ଦୁର୍ଘଟଣା। ମୁରାଦାବାଦରେ ଥିବା ଦଲପତପୁର-କାଶୀପୁର ରାଜପଥରେ ଏହି ଭୟାବହ ଦୁର୍ଘଟଣା ଘଟିଛି। ଦ୍ରୁତ ଗତିରେ ଯାଉଥିବା ଟ୍ରକଟି ଏକ ପିକଅପ୍ ଭ୍ୟାନକୁ ଧକ୍କା ଦେବାରୁ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି। ଫଳରେ ଏକ ଶିଶୁ ସମେତ ୮ ଜଣଙ୍କର ମୃତ୍ୟୁ ଘଟିଥିବା ବେଳେ ୧୫ ଜଣ ଆହତ ହୋଇଛନ୍ତି।
ସୂଚନାଯୋଗ୍ୟ, ଏକ ପରିବାର ବିବାହ ରୀତିନୀତିରେ ଯୋଗଦେବା ପାଇଁ ଭ୍ୟାନରେ ଯାତ୍ରା କରୁଥିଲେ। ସେହି ସମୟରେ ଏହି ଘଟଣା ଘଟିଥିବା ଜଣାପଡିଛି। ଏହି ଘଟଣା ଏତେ ଭୟଙ୍କର ଥିଲା ଯେ ଟ୍ରକଟି ଭ୍ୟାନ ଉପରେ ଓଲଟି ପଡିଥିବା ପ୍ରତ୍ୟକ୍ଷଦର୍ଶୀମାନେ ସୂଚନା ଦେଇଛନ୍ତି। ଦୁର୍ଘଟଣାର ଖବର ପାଇବା ପରେ ସ୍ଥାନୀୟ କର୍ତ୍ତୃପକ୍ଷ ଉଦ୍ଧାର କାର୍ଯ୍ୟର ତଦାରଖ କରିବା ପାଇଁ ଏସଏସପି ଏବଂ ଅନ୍ୟ ଅଧିକାରୀଙ୍କ ସମେତ ଘଟଣାସ୍ଥଳରେ ପହଞ୍ଚିଥିଲେ। ଭ୍ୟାନରେ ଯାତ୍ରା କରୁଥିବା ଅନେକ ଯାତ୍ରୀ ଗାଡି ତଳେ ଫସି ରହିଥିବା ବେଳେ ବାହାର କରାଯାଇଛି।
Powered by Froala Editor