ଚଷମା ଧରୁଛି ଚୋର
ଧୂର୍ତ୍ତ ଅପରାଧୀଙ୍କୁ ଧରିବା କଷ୍ଟ କମାଟେ । ଚୋରି ଡକାୟତ ଅପରାଧ କରି ଖସିଯିବାକୁ ସେମାନେ ବିଭିନ୍ନ ଉପାୟ ପାଚଂନ୍ତି । ଘଟଣାସ୍ଥଳରୁ ସେମାନେ ଖସିଯାନ୍ତି କିନ୍ତୁ ଦିନେ ନା ଦିନେ ପୋଲିସ ହାତରେ ନିଶ୍ଚୟ ଧରାପଡ଼ନ୍ତି । ଚୀନ୍ ପୋଲିସ ଏବେ ଚୋର ଧରିବା କାମକୁ ସହଜ କରିବା ପାଇଁ ଏକ ପ୍ରକାରର ଉନ୍ନତଧରଣର ଚଷମା ତିଆରି କରିଛି । ଚଷମାକୁ ପିନ୍ଧିବା ମାତ୍ରେ ତା’ କାମ କରେ । ଭିଡ଼ ଭିତରେ ଜଣେ ଅପରାଧୀ ଲୁଚି ଛିଡ଼ାହୋଇଥିଲେ ବି ଚଷମା ସତର୍କ ଘଣ୍ଟି ବଜାଇ ପୋଲିସ ସୂଚନା ଦିଏ । ପୁଲିସ୍ ଚଷମା ପିନ୍ଧିବା ପରେ ତାଙ୍କ ସାମ୍ନାକୁ ଯେଉଁ ବ୍ୟକ୍ତି ଆସିବେ, ତାଙ୍କ ନାମ,ଜାତି, ଯୋଗ୍ୟତା ସବିଶେଷ ତଥ୍ୟ ଫୋନକୁ ଆସିଯିବ ।
ଏହି ଚଷମାକୁ ଏଭଳି ଜ୍ଞାନକୌଶଳରେ ତିଆରି କରାଯାଇଛି ଯେ ତାହା କେନ୍ଦ୍ରର ଡାଟା ବେସ୍ରୁ ସବୁ ତଥ୍ୟ ଦିଏ । ଚୀନର ସବୁ ପୁଲିସ୍ ଥାନାରେ ଥିବା ଅପରାଧୀଙ୍କ ଫଟୋ ସହ ଅନ୍ୟାନ୍ୟ ବିବରଣୀ ଡାଟା ବେସ୍ରୁ ରଖାଯାଇଥିବାରୁ ଚଷମା ପିନ୍ଧିଲେ ଅଜଣା ବ୍ୟକ୍ତିର ପରିଚୟ ମିଳିଯାଏ । ଚଷମାରେ ଲାଗିଥିବା ଛୋଟ କ୍ୟାମେରା ସେନ୍ସର୍ ହିଁ ଠଉରାଇନିଏ ଯେ ସାମ୍ନାରେ ଥିବା ଲୋକ ସାଧାରଣ ନାଗରିକ ନା ଅପରାଧୀ । ଏହି ଚଷମା ସହାୟତାରେ ବହୁ ଅପରାଧୀ ଧରାପଡ଼ିଥିବା ଜଣାପଡିଛି ।
Powered by Froala Editor
