ଶୌଚାଳୟ ଭିଡିଓରେ ଆସିଲା ଅଢେଇ ଲକ୍ଷ ଭିୟୁ, ରେଳବାଇ କହିଲା.. ‘ଅସୁବିଧା ପାଇଁ ଦୁଃଖିତ’
ଗୋଟିଏ ଶୌଚାଳୟ ଭିଡିଓ ଜଣେ ବ୍ୟକ୍ତିଙ୍କୁ ଚର୍ଚ୍ଚିତ ଚେହେରା ବନେଇ ଦେଇଛି । ହଁ ଏହା ସତ । ନିକଟରେ ଅରୁଣ ନାମକ ଜଣେ ବ୍ୟକ୍ତିଙ୍କ ଟ୍ବିଟ୍ ଭାଇରାଲ୍ ହୋଇ ଚାଲିଛି। ଟ୍ରେନ୍ ଶୌଚାଳୟରେ ପାଣି ଆସୁନି ବୋଲି ଟ୍ବିଟ୍ କରି ଏବେ ଭାଇରାଲ୍ ହୋଇ ଚାଲିଛନ୍ତି ଅରୁଣ।
ଅରୁଣ ଟ୍ବିଟ୍ରେ ଲେଖିଥିଲେ କି 'ମୁଁ ପଦ୍ମାବତ୍ ଏକ୍ସପ୍ରେସ୍ (୧୪୨୦୭)ରେ ଯାତ୍ରା କରୁଛି। ଶୌଚାଳୟ ଯାଇଥିଲି ସେଠାରେ ପାଣି ଆସୁନି। ଆଉ କ'ଣ କରିବି? ଆସି ରୋକିକି ସିଟ୍ରେ ବସିଛି। ଟ୍ରେନ୍ ବି ୨ ଘଣ୍ଟା ବିଳମ୍ବରେ ଚାଲୁଛି।' ଦେଖୁ ଦେଖୁ ଅରୁଣଙ୍କ ଏହି ଟ୍ବିଟ୍ ଭାଇରାଲ୍ ହୋଇଗଲା। ଟ୍ବିଟର୍ରେ ଅରୁଣଙ୍କର ୧୯ ଫଲୋୟର୍ସ ଅଛନ୍ତି। ମାତ୍ର ତାଙ୍କର ଏହି ଟ୍ବିଟ୍ରେ ଅଢ଼େଇ ଲକ୍ଷରୁ ଅଧିକ ଭିୟୁ ହୋଇ ସାରିଲାଣି।
ତାଙ୍କର ଏହି ଟ୍ବିଟ୍ର ରିପ୍ଲାଏ କରିଥିଲା ରେଳବାଇ। 'ଅସୁବିଧା ପାଇଁ ଦୁଃଖିତ। ଆମେ ଆପଣଙ୍କୁ ଅନୁରୋଧ କରୁଛି କି ଦୟାକରି ଯାତ୍ରା ବିବରଣୀ (ପିଏନ୍ଆର୍/ୟୁଟିଏସ୍ ନମ୍ବର) ଏବଂ ମୋବାଇଲ୍ ନମ୍ବରୁ ଆମ ସହ ସେୟାର କରନ୍ତୁ ବୋଲି ଅରୁଣଙ୍କୁ ମଗାଯାଇଥିଲା ।'
Powered by Froala Editor
