ବେଆଇନ ବନ୍ଧୁକ ରଖିବା ଅଭିଯୋଗରେ ଲେଡି ଏସ୍ଆଇ ନିଲମ୍ବିତ
ରାଜସ୍ଥାନ ପୁଲିସ ସବ-ଇନ୍ସପେକ୍ଟର ନୈନା କାନୱାଲଙ୍କୁ ନିଲମ୍ବନ କରି ଦିଆଯାଇଛି। ଅପହରଣର ଏକ ମାମଲାରେ ଦିଲ୍ଲୀ ପୁଲିସ ପକ୍ଷରୁ ଜାରି କରାଯାଇଥିବା ଗିରଫଦାରୀ ଘଟଣାର ଯାଞ୍ଚ ସମୟରେ ନୈନାଙ୍କୁ ନିଲମ୍ବନ କରାଯାଇଛି।
ଗତ ଗୁରୁବାର ଦିଲ୍ଲୀ ପୁଲିସ ଅପହରଣ ମାମଲାରେ ପଳାତକ ସୁମିତ ନାନ୍ଦଲଙ୍କୁ ଖୋଜୁଥିବା ବେଳେ ସୂଚନା ପାଇ ରୋହତକରେ ଏସଆଇ ନୈନା କାନୱାଲଙ୍କ କୋଠାରେ ଚଢ଼ାଉ କରିଥିଲା। ଏହି ଚଢ଼ାଉ ସମୟରେ ଦିଲ୍ଲୀ ପୁଲିସକୁ ଏସଆଇ ନୈନାଙ୍କ ନିକଟରୁ ଦୁଇଟି ଲାଇସେନ୍ସ ନଥିବା ବନ୍ଧୁକ ମିଳିଥିଲା। ଏହି ସମୟରେ ସେ ଭୟରେ ବନ୍ଧୁକ ଦୁଇଟିକୁ ଘର ଝରକାପାର୍ଶ୍ବ ଦେଇ ତଳକୁ ଫଙ୍ଗି ଦେଇଥିଲେ। କିନ୍ତୁ ପୁଲିସ ଦୁଇଟି ବନ୍ଧୁକକୁ ଜବତ କରି ନେଇଥିଲା।
ଏହି ଘଟଣା ପରେ ବେଆଇନ ବନ୍ଧୁକ ରଖିଥିବା ଅପରାଧରେ ନୈନାଙ୍କୁ ଦିଲ୍ଲୀ ପୁଲିସ ଗିରଫ କରିଥିଲା। ଘଟଣାର ଯାଞ୍ଚ କରିବା ପରେ ନୈନାଙ୍କୁ ନିଲମ୍ବନ କରାଯାଇଥିଲା।ଏହାକୁ ନେଇ ଆଇଜି ଇଣ୍ଟେଲିଜେନ୍ସଙ୍କ ପକ୍ଷରୁ ଆଦେଶ ଜାରି କରି ଦିଆଯାଇଛି।
Powered by Froala Editor
