ସିସୋଦିଆଙ୍କୁ ମାନସିକ ନିର୍ଯାତନା ଦିଆଯାଉଥିବା ଅଭିଯୋଗ
ଆମ୍ ଆଦମୀ ପାର୍ଟି ନେତା ତଥା ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଗିରଫ କରାଯିବା ପରେ ଆପ୍ ନେତାମାନେ ଲଗାତାର କେନ୍ଦ୍ର ସରକାର ଏବଂ ବିଜେପିକୁ ଟାର୍ଗେଟ କରୁଛନ୍ତି। ଏ ମଧ୍ୟରେ ଆପ୍ ମୁଖପାତ୍ର ସୌରଭ ଭରଦ୍ୱାଜ ଏକ ସାମ୍ବାଦିକ ସମ୍ମିଳନୀରେ ମନୀଷ ସିସୋଦିଆଙ୍କୁ ମାନସିକ ନିର୍ଯାତନା ଦିଆଯାଉଥିବା ଅଭିଯୋଗ କରିଛନ୍ତି।
ସେ କହିଛନ୍ତି ଯେ, ୬ଦିନ ଧରି ମନୀଷ ସିସୋଦିଆଙ୍କୁ ସିବିଆଇ ରିମାଣ୍ଡରେ ନେଇଛି। ମନୀଷଙ୍କୁ ମାନସିକ ନିର୍ଯାତନା ଦିଆଯାଉଛି । ସିବିଆଇ ଚାପ ପକାଇ ମଧ୍ୟ ତାଙ୍କ ଠାରୁ କୌଣସି ପ୍ରମାଣ ପାଇ ନାହିଁ। ସେମାନେ ତାଙ୍କ ବାସଭବନରେ ଚଢ଼ାଉ କରି ମଧ୍ୟ କିଛି ପାଇ ନଥିଲେ ।
ଗତ ରବିବାର ଦିଲ୍ଲୀର ମଦ ଦୁର୍ନୀତି ଅଭିଯୋଗରେ ସିସୋଦିଆଙ୍କୁ ଗିରଫ କରାଯାଇଥିଲା। ଗିରଫର ପରଦିନ ସିସୋଦିଆ ଜାମିନ ପାଇଁ ସୁପ୍ରିମକୋର୍ଟରେ ଆବେଦନ କରିଥିଲେ। ଜାମିନ ଆବେଦନରେ ସିସୋଦିଆ ଉଲ୍ଲେଖ କରିଛନ୍ତି ଯେ, ସମସ୍ତ ‘ରିକଭିରି’ ଶେଷ ହୋଇଥିବାରୁ ତାଙ୍କୁ ହାଜତରେ ରଖିଲେ କିଛି ସୁଫଳ ମିଳିବ ନାହିଁ।
Powered by Froala Editor
