ନିଶାରେ ପୁଣି ବିମାନରେ ପରିସ୍ରା କରିଦେଲେ ଯାତ୍ରୀ, ମାମଲା ରୁଜୁ
ନିଶାସକ୍ତ ଅବସ୍ଥାରେ ବିମାନରେ ଜଣେ ଯାତ୍ରୀଙ୍କ ଉପରେ ପରିଶ୍ରା କରିଛନ୍ତି ଆଉ ଜଣେ ଯାତ୍ରୀ। ଏଥର ଘଟଣା ଘଟିଛି ଆମେରିକାନ୍ ଏୟାରଲାଇନ୍ସର ଏକ ବିମାନରେ। ବିମାନ ମଧ୍ୟରେ ଘଟିଥିବା ଏହି ଘଟଣା ନେଇ ଥାନାରେ ଅଭିଯୋଗ ହୋଇଥିବା ବେଳେ କାର୍ଯ୍ୟାନୁଷ୍ଠାନ ହେବ ବୋଲି କହିଛି ଦିଲ୍ଲୀ ପୁଲିସ। ଏପରିକି ସଂପୃକ୍ତ ଯୁବକଙ୍କ ଯାତ୍ରା ଉପରେ କଟକଣା ଲଗାଇଛି ଆମେରିକାନ ଏୟାରଲାଇନ୍।
ଏହି ବିମାନ ନ୍ୟୁୟର୍କରୁ ମାର୍ଚ୍ଚ ୩ ରାତି ୯.୧୬ରେ ଉଡ଼ାଣ ଭରିଥିଲା ଏବଂ ମାର୍ଚ୍ଚ ୪ ୧୦.୧୨ରେ ଦିଲ୍ଲୀର ଆଇଜି ବିମାନ ବନ୍ଦରରେ ଅବତରଣ କରିଥିଲା। ଅଭିଯୁକ୍ତ ଜଣକ ଆମେରିକାର ଏକ ବିଶ୍ୱବିଦ୍ୟାଳୟର ଛାତ୍ର ଏବଂ ସେ ନିଶା ଅବସ୍ଥାରେ ଶୋଇଥିବା ସମୟରେ ପରିସ୍ରା କରିଥିଲେ। ସେ କହିଛନ୍ତି, ସେ ଜାଣିଶୁଣି ଏହା କରିନାହାଁନ୍ତି। ନିଦ୍ରାରେ ପରିସ୍ରା କରିଦେଇଥିଲେ। ଏହାପରେ ସେ ବିମାନ କର୍ମଚାରୀଙ୍କ ନିକଟରେ ଅଭିଯୋଗ କରିଥିଲେ। ବିମାନଟି ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ (ଆଇଜି) ବିମାନବନ୍ଦରରେ ଅବତରଣ କରିବା ପରେ ତାଙ୍କୁ ଗିରଫ କରାଯାଇଥିଲା।
Powered by Froala Editor
