ଉମରକୋଟ : ରିଲ୍ ନିଶା ପଡିଛି ମହଙ୍ଗା । ଷ୍ଟଣ୍ଟ କରୁ କରୁ ଛାତରୁ ପଡି ଗୁରୁତର ହେଲେ ନାବାଳକ । ସୋସିଆଲ ମିଡିଆରେ ଭିଡିଓ ଭାଇରାଲ ପରେ ସ୍କୁଲ କର୍ତ୍ତୃପକ୍ଷ ନେଲେ ଆକ୍ସନ । ନବରଙ୍ଗପୁର ରାଇଘର ବ୍ଲକ ସଦର ଠାରେ ଥିବା ଏକ୍ସ ବୋର୍ଡ ଉଚ୍ଚ ପ୍ରାଥମିକ ବିଦ୍ୟାଳୟରେ । କିଛି ଛାତ୍ର ସ୍କୁଲ୍ ଟାଇମ୍‌ରେ ରିଲ୍ ବନେଇବା ନିଶାରେ ଗୋଟାଏ ଛାତରୁ ଅନ୍ୟ ଏକ ଛାତକୁ ଡେଇଁବା ଭିଡିଓ ଏବେ ଭାଇରଲ୍ ହେବାରେ ଲାଗିଛି ।

ସୂଚନାଥାଉକି, ଗତ ୧୪ ତାରିଖ ମଙ୍ଗଳବାର ଦିନ ସ୍ଥାନୀୟ ପ୍ରାଥମିକ ବିଦ୍ୟାଳୟରେ ଦିବ୍ୟଙ୍ଗ ମାନଙ୍କ ଏକ କାର୍ୟ୍ୟକ୍ରମ ଚାଲିଥିଲା । ତେବେ ଦିନ ପ୍ରାୟ ୧୧ଟା ସମୟରେ କିଛି ପିଲା ସ୍କୁଲ ଛାତ ଉପରକୁ ଚଢି ଯାଇଥିଲେ । ସେହି ଛାତ ଉପରୁ ସେମାନଙ୍କ ମଧ୍ୟରୁ କିଛି ପିଲା ହତ୍ତା ବାହାରେ ଥିବା ଏକ ପରିତ୍ୟକ୍ତ ଏଏନଏମ କ୍ବାଟର୍ ଉପରେ ଡେଇଁବା ସମୟରେ ଭିଡିଓ ବନେଇ ଫେସବୁକ ଓ ଇନଷ୍ଟାଗ୍ରାମ୍ ରେ ଅପଲୋଡ୍ କରିଥିଲେ ।

ଉକ୍ତ ଭିଡିଓ ଏବେ ମୋବାଇଲ ରୁ ମୋବାଇଲକୁ ଘୁରି ବୁଲିବା ପରେ ଏହି ଘଟଣା ସ୍ଥାନୀୟ ସରକାରୀ ପୂର୍ବତନ ବୋର୍ଡ ଉଚ୍ଚ ପ୍ରାଥମିକ ବିଦ୍ୟାଳୟର ବୋଲି ଜଣାପଡିଥିଲା । ଏହି ଖବର ପ୍ରଚାର ହେବା ପରେ ପ୍ରଧାନଶିକ୍ଷକ ସୁଶଙ୍କର ମିସ୍ତ୍ରୀ ଉକ୍ତ ଭିଡିଓ କରିଥିବା ୭ ଜଣ ଛାତ୍ରଙ୍କୁ ବିଦ୍ୟାଳୟକୁ ଡକାଇ ଟିସି ଦେଇଛନ୍ତି । 

Powered by Froala Editor