ମନ ଛୁଉଁଛି ଡୁଡଲର କୋଭିଡ୍ ସଚେତନତା ବାର୍ତ୍ତା
ଭାରତରେ କରୋନାର ଦ୍ୱିତୀୟ ଲହର ଦ୍ରୁତ ଗତିରେ ବ୍ୟାପିବାରେ ଲାଗିଛି। କରୋନା ଭାକ୍ସିନ୍ ଆସିଯାଇଥିଲେ ମଧ୍ୟ ଏହାକୁ କାବୁ କରିହେଉନାହିଁ। ଯାହାକୁ ଦୃଷ୍ଟିରେ ରଖି ସବୁଆଡେ ସଚେତନତାର ବାର୍ତ୍ତା ଦିଆଯାଉଛି । ତାସତ୍ତ୍ୱେ କରୋନାର ପ୍ରକୋପ ବଢିଚାଲିଛି । ଏଥିପାଇଁ ଗୁଗଲ ମାସ୍କ ପିନ୍ଧ ଓ ଜୀବନ ବଞ୍ଚାଓର ଏକ ସଚେତନତା ବାର୍ତ୍ତା ଡୁଡଲ ମାଧ୍ୟମରେ ଦେଇଛି। ମଙ୍ଗଳବାର ଗୁଗଲ ଏକ ନିଆରା ଡୁଡଲ ରି-ଲଞ୍ଚ କରିଛି। ଏଥିରେ ସମସ୍ତ ଅକ୍ଷର(ଆଲଫାବେଟ୍) ମାସ୍କ ପିନ୍ଧିଥିବା ଦେଖିବାକୁ ମିଳିଛି। ଏହି ଡୁଡଲ ମାଧ୍ୟମରେ ଲୋକଙ୍କୁ ମାସ୍କ ପିନ୍ଧିବା, ହାତ ଧୋଇବା ଓ ସାମାଜିକ ଦୂରତ୍ୱ ରକ୍ଷା କରିବାକୁ ଏକ ସଚେତନତା ବାର୍ତ୍ତା ଦିଆଯାଇଛି। ଏହି ଡୁଡଲକୁ ଗୁଗଲ ଗତ ବର୍ଷ ଅଗଷ୍ଟରେ ଜାରି କରିଥିଲା। ତେବେ ପୁଣିଥରେ ଚଳିତ ବର୍ଷ ଏପ୍ରିଲ ୬ରେ ଏହାକୁ ଅପଡେଟ୍ କରାଯାଇଛି। ଯାହାକୁ ସମସ୍ତେ ପସନ୍ଦ କରୁଛନ୍ତି ।
