ସାପ, ବେଙ୍ଗ, ବାଦୁଡ଼ି, ମୂଷା ଆଉ ବିଛା । ସବୁକିଛି ଗୋଟିଏ ଜାଗାରେ । ତାହା ପୁଣି ଏକ ଗୁମ୍ଫାରେ । ଏହା ଶୁଣିବାକୁ ଟିକେ ଅଖାଡ଼ୁଆ ଲାଗିଥାଇ ପାରେ । ହେଲେ ଏହା ସତ୍ୟ । ଏମିତି ଏକ ଗୁମ୍ଫା ରହିଛି ବୋର୍ନିଓରେ । 

ବୋର୍ନିଓର ଏକ ଘଂଚ ଜଙ୍ଗଲ ଭିତରେ ରହିଛି ଏହି ଭୟଙ୍କର ଗୁମ୍ଫା । ହଜାର ହଜାର ବର୍ଷ ଧରି ଏଠାକୁ କେହି ଯାଇ ନାହାନ୍ତି । ହେଲେ କିଛିଦିନ ତଳେ କିଛି ବିଶେଷଜ୍ଞ ଏକ ଅନୁସନ୍ଧାନରୁ ଏ ବିଷୟରେ ଜାଣିବାକୁ ପାଇଥିଲେ । ଏହାପରେ ସେଠାକୁ ଏକ ଟିମ୍ ଅନୁସନ୍ଧାନକୁ ଯାଇଥିଲେ । ଆଉ ସେଠାରେ ଯାହା କିଛି ଦେଖିଲେ, ତାହା ବାସ୍ତବିକ ଅବର୍ଣ୍ଣନୀୟ ।

ଗୁମ୍ଫା ମଧ୍ୟରେ ଉଭୟ ତୃଣଭୋଜି ଓ ମାଂସାସୀ ପ୍ରାଣୀ ଏକାଠି ରହୁଛନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏଠାରେ ଖାଦ୍ୟଶୃଙ୍ଖଳ ଦେଖିବାକୁ ମିଳିଛି । ଯେପରି ବାଦୁଡିର ମଳ ଖାଦକ ହେଲେ ଅସରପା ଓ ଗୋବରପୋକ । ସାପର ଖାଦ୍ୟ ମୂଷା ଏବଂ ମୂଷାର ଖାଦ୍ୟ ଅସରପା । ଏହି ଗୁମ୍ଫା ମନୁଷ୍ୟ ମଭ୍ୟତା ପାଇଁ ଅନୁପଯୋଗୀ । ତେଣୁ ଏଠାକୁ କେହି ଯିବାକୁ ସାହସ କରନ୍ତିନି । ପକ୍ଷୀମାନଙ୍କ ମଳ ଯୋଗୁଁ ସମ୍ପୂର୍ଣ୍ଣ ପରିବେଶ ଦୁର୍ଗନ୍ଧ ହୋଇଯାଇଛି । 

କିଛି ବିଶେଷଜ୍ଞ ମତ ଦେଇଛନ୍ତି ଯେ ଗୁମ୍ଫାଟି ବହୁ ଭାଗରେ ବିଭକ୍ତ ହୋଇଛି । ଏହା ସୁଦୀର୍ଘ ମଧ୍ୟ । ନିକଟକୁ ଯିବା ବେଳେ କିଛି ବିକଟାଳ ଶବ୍ଦ ମଧ୍ୟ ଶୁଣିବାକୁ ମିଳୁଥିବା କୁହାଯାଇଛି । ତେଣୁ ଏଠାକୁ ଯିବା ନିରାପଦ ନୁହେଁ ବୋଲି କୁହାଯାଇଛି ।

Powered by Froala Editor