ଅଭିଯୋଗ ଆଣିଲା ଉଜବେକିସ୍ତାନ : ଭାରତୀୟ କଫ ସିରପ ପିଇ ୧୮ ଶିଶୁଙ୍କ ମୃତ୍ୟୁ
ଗାମ୍ବିଆର ଶିଶୁମୃତ୍ୟୁ ବିବାଦ ପରେ ଉଜବେକିସ୍ତାନର ସ୍ୱାସ୍ଥ୍ୟ ମନ୍ତ୍ରାଳୟ ଦାବି କରିଛି ଯେ ଭାରତୀୟ ଔଷଧ କମ୍ପାନୀର କଫ ସିରପ ପିଇ ୧୮ ଶିଶୁଙ୍କ ଶିଶୁ ମୃତ୍ୟୁ ହୋଇଛି । ଉଜବେକିସ୍ତାନ ସରକାର ଏଥିାଇଁ ଭାରତକୁ ଦାୟୀ କରିଛନ୍ତି ।
ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ ଫାର୍ମାସ୍ୟୁଟିକାଲ କମ୍ପାନୀ ମେରିୟନ ବାୟୋଟେକ ପ୍ରାଇଭେଟ ଲିମିଟେଡ ଦ୍ବାରା ପ୍ରସ୍ତୁତ Dok-1 Max ସିରପ ପିଇବା କାରଣରୁ ଶିଶୁଙ୍କ ମୃତ୍ୟୁ ହୋଇଛି । ଏହି ଔଷଧ କମ୍ପାନୀ ୨୦୧୨ ମସିହାରେ ଉଜବେକିସ୍ତାନ ବଜାରକୁ ଆସିଥିଲା । ତେବେ ଏହି କଫ ସିରପ ଭାରତରେ ବିକ୍ରି ହେଉନଥିବା ମଧ୍ୟ ସୂଚନା ମିଳିଛି । ଏହା ପୂର୍ବରୁ ଅକ୍ଟୋବରରେ ଆଫ୍ରିକୀୟ ଦେଶ ଗାମ୍ବିଆରେ ଭାରତରେ ନିର୍ମିତ କଫ ସିରପରେ ୬୦ରୁ ଅଧିକ ଶିଶୁଙ୍କ ମୃତ୍ୟୁ ମାମଲା ସାମ୍ନାକୁ ଆସିଥିଲା । ତେବେ, ଏ ଅଭିଯୋଗ ସଂପର୍କରେ ସଂପୃକ୍ତ ଫାର୍ମାସ୍ୟୁଟିକାଲ୍ କମ୍ପାନି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।
Powered by Froala Editor
