ବିଶାଲଙ୍କୁ ବିବାହ କରିବେ କି ଦେବୋଲିନା, କନଫ୍ୟୁଜ୍ରେ ଫ୍ୟାନ୍ସ
ଟିଭି ଅଭିନେତ୍ରୀ ତଥା ବିଗବସ୍ ପ୍ରତିଯୋଗୀ ଦେବୋଲିନା ଭଟ୍ଟାଚାର୍ଯ୍ୟ ଖୁବଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଅଭିନେତ୍ରୀଙ୍କ ହଳଦୀ ରସମର ଫଟୋ ଭାଇରଲ ହେବାରେ ଲାଗିଛି । ତେବେ ଏହା ମଧ୍ୟରେ ଯେଉଁ ଫଟୋ ଭାଇରଲ ହେଉଛି, ତାହାକୁ ଦେଖି ସମସ୍ତେ ଆଶ୍ଚର୍ଯ୍ୟ । ଭିଡିଓରେ ଦେବୋଲିନା ଭଟ୍ଟାଚାର୍ଯ୍ୟ ଏବଂ ବିଶାଲ ସିଂ ନିଜ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି। ଦେବୋଲିନା ଏବଂ ବିଶାଲ୍ ନିଜ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସମାନ ଭିଡିଓ ପୋଷ୍ଟ କରିଥିଲେ । ଯେଉଁଥିରେ ଦୁହେଁ ହଳଦିଆ ରଙ୍ଗର କପଡା ପିନ୍ଧିଥିବାର ନଜର ଆସିଛନ୍ତି। ଦୁହିଁଙ୍କୁ ଦେଖି ଫ୍ୟାନ୍ମାନେ କନ୍ଫ୍ୟୁଜ ହୋଇଯାଇଛନ୍ତି। ଏହା ସତ ସତିକା ବାହାଘର ନା କୌଣସି ଥଟ୍ଟାମଜା ଜାଣିପାରୁ ନାହାନ୍ତି।
ଭିଡିଓରେ ଦେଖିବାକୁ ମିଳିଛି ଯେ, ଦେବୋଲିନା ବିଶାଲଙ୍କ ସହ ଡ୍ୟାନ୍ସ କରୁଥିବା ନଜର ଆସିଛନ୍ତି। ମୁହଁରେ ହଳଦୀ ଓ ହାତରେ ମେହେନ୍ଦୀ ଲଗାଇ ବେଶ୍ ଖୁସ ନଜର ଆସିଛନ୍ତି ଉଭୟ।
ସୂଚନା ଯୋଗ୍ୟ ଯେ, କିଛି ଦିନ ତଳେ ଦେବୋଲିନା ବିବାହ କରିସାରିଥିବା ନେଇ ଗୁଜବ ସୃଷ୍ଟି ହୋଇଥିଲା। ସେ ତାଙ୍କ ଲଙ୍ଗଟାଇମ ବୟଫ୍ରେଣ୍ଡ ବିଶାଲ ସିଂହଙ୍କୁ ଲୁଚିଛପି ବିବାହ କରିଥିବା ଚର୍ଚ୍ଚା ହେଉଥିଲା। ପରେ ଏହି କଥା ମିଥ୍ୟା ପ୍ରମାଣିତ ହୋଇଥିଲା।
Powered by Froala Editor
