ମଦ ନିଶାରେ ୩ ଯୁବତୀଙ୍କ ଅମାନବୀୟ କାଣ୍ଡ : ମହିଳାଙ୍କୁ ଚୁଟି ଝିଙ୍କି ବେଲ୍ଟରେ ପିଟିଲେ
ମଦ ନିଶାରେ ଭୁଲିଗଲେ ହିତାହିତ୍ୟଜ୍ଞାନ । ମହିଳାଙ୍କୁ ବିଚ୍ ରାସ୍ତାରେ ପିଟି ଚାଲିଲେ । କିଏ ବିଧା ଗୋଇଠା ତ କିଏ ବେଲ୍ଟରେ ପିଟିଲା । ଏଭଳି ଅମାନବୀୟ କାଣ୍ଡ ରାସ୍ତାରେ ଘଟୁଥିଲେ ବି କେହି ପାଟି ଖୋଲିଲେନି । ବରଂ ଭିଡିଓ କଲେ । ଏଭଳି ଏକ ଘଟଣା ସାମ୍ନାକୁ ଆସିଛି ମଧ୍ୟପ୍ରଦେଶ ଇନ୍ଦୋରରୁ । ଏହି ଘଟଣାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଉଛି ତିନି ଜଣ ମହିଳା ଜଣେ ମହିଳାଙ୍କୁ ଘେରି ରହିଛନ୍ତି। ମହିଳାଙ୍କୁ ତଳେ ପକାଇ ପିଟିଚାଲିଛନ୍ତି। ଖାଲି ବିଧା, ଗୋଇଠା ନୁହେଁ ବେଲ୍ଟ ଏବଂ ଲାଠିରେ ମାଡ଼ ମଧ୍ୟ ମାରୁଛନ୍ତି। ଏମିତିକି ତାଙ୍କ ଚୁଟି ଝିଙ୍କି ତାଙ୍କ ଉପରେ ଅମାନବୀୟ ଭାବରେ ଅତ୍ୟାଚାର କରୁଛନ୍ତି। ମହିଳା ଜଣକ ତଳେ ପଡ଼ି ସାହାଯ୍ୟ ପାଇଁ କହୁଥିଲେ କେହିବି ସାହାଯ୍ୟ ପାଇଁ ଆସିନଥିଲେ। ତେବେ ଏହି ମାମଲାରେ ପୋଲିସ୍ ଏକ ମାମଲା ରୁଜୁ କରି ତିନି ମହିଳାଙ୍କୁ ଗିରଫ କରିଛି।
Powered by Froala Editor
