ଦିନକୁ ଦିନ ନୂଆ ରେକର୍ଡ: ଦୁର୍ବଳ ହୋଇଚାଲିଛି ଭାରତୀୟ ମୁଦ୍ରା
ମୁମ୍ବାଇ: ଆମେରିକୀୟ ଡଲାର ତୁଳନାରେ ଭାରତୀୟ ମୁଦ୍ରା ଦୁର୍ବଳ ହୋଇଚାଲିଛି । ଦିନକୁ ଦିନ ଏହା ନୂଆ ରେକର୍ଡ ତିଆରି କରୁଛି। ବୁଧବାର ଟଙ୍କାର ବିନିମୟ ମୂଲ୍ୟ ରେକର୍ଡ ନିମ୍ନ ସ୍ତରକୁ ଖସିଆସିଛି । ଡଲାର ତୁଳନାରେ ଏହା ୬୧ ପଇସା ଦୁର୍ବଳ ହୋଇ ୮୩.୦୧ ଟଙ୍କାରେ ବନ୍ଦ ହୋଇଛି । ପ୍ରଥମ ଥର ପାଇଁ ଟଙ୍କା ଏହି ସ୍ତରକୁ ଖସିଥିବା ଜଣାପଡ଼ିଛି ।
ମଙ୍ଗଳବାର ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟରେ ୧୦ ପଇସା ହ୍ରାସ ଘଟିଥିଲା । ଫଳରେ ଏହା ୮୨.୪୦ ଟଙ୍କାରେ ବନ୍ଦ ହୋଇଥିଲା । ସୂଚନାଯୋଗ୍ୟ,ନିକଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଟଙ୍କାର ପତନ ପ୍ରସଙ୍ଗରେ ଏକ ବିବୃତି ଦେଇଥିଲେ, ଯାହାକୁ ନେଇ ସେ ବିରୋଧୀଙ୍କ ସମାଲୋଚନାର ଶିକାର ହୋଇଥିଲେ । ଅର୍ଥମନ୍ତ୍ରୀ କହିଥିଲେ ଯେ, ଟଙ୍କା ଦୁର୍ବଳ ହେଉନି ବରଂ ଡଲାର ମଜଭୁତ ହେଉଛି । ଡଲାର ସାମ୍ନାରେ ପ୍ରାୟ ସବୁ ରାଷ୍ଟ୍ରର ପ୍ରଚଳିତ ମୁଦ୍ରା ସ୍ଥିତି ଖରାପ ।
Powered by Froala Editor
