ବ୍ରିଟେନ୍ କ୍ୟାବିନେଟ୍ରୁ ଗୃହ ସଚିବ ଇସ୍ତଫା ଦେଲେ
ବ୍ରିଟେନର ନବନିର୍ବାଚିତ ପ୍ରଧାନମନ୍ତ୍ରୀ ଲିଜ୍ ଟ୍ରସଙ୍କ କ୍ୟାବିନେଟରୁ ଗୃହମନ୍ତ୍ରୀ ତଥା ଭାରତୀୟ ବଂଶୋଦ୍ଭବ ସୁଏଲା ବ୍ରାବରମନ ଇସ୍ତଫା ଦେଇଛନ୍ତି। ଲିଜ୍ ଟ୍ରସ ପ୍ରଧାନମନ୍ତ୍ରୀ ହେବା ପରଠାରୁ ବ୍ରିଟେନ୍ରେ ରାଜନୈତିକ ଓ ଅର୍ଥନୈତିକ ସଂକଟ ଦେଖାଦେଇଛି। ଲିଜ୍ ଟ୍ରସଙ୍କ ବିରୋଧରେ ବିଦ୍ରୋହ ଘୋଷଣା ହୋଇପାରେ ବୋଲି ଚର୍ଚ୍ଚା ହେଉଥିବା ବେଳେ ସେକ୍ରେଟାରୀଙ୍କ ଇସ୍ତଫା ବ୍ରିଟେନ୍ ରାଜନୀତିକୁ ଆହୁରି ଚର୍ଚ୍ଚିତ କରିଛି।
ବିବାଦ ଯୋଗୁ ମାତ୍ର କିଛି ମାସ ତଳେ ପ୍ରଧାନମନ୍ତ୍ରୀ ଦାୟିତ୍ୱ ନେଇଥିବା ଟ୍ରସଙ୍କ ଚୌକି ଟଳମଳ ହେଉଛି। ଏସବୁ ଭିତରେ ହିଁ ସୁଏଲା ଗୃହମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି।
ସପ୍ତାହକ ମଧ୍ୟରେ ଲିଜ୍ ଟ୍ରସଙ୍କ କ୍ୟାବିନେଟରୁ ଦ୍ୱିତୀୟ ସଦସ୍ୟ ଭାବେ ସୁଏଲା ବାହାରି ଯାଇଛନ୍ତି। ଅକ୍ଟୋବର ୧୪ରେ ଟ୍ରସ୍ଙ୍କ କ୍ୟାବିନେଟରେ ଅର୍ଥମନ୍ତ୍ରୀ ଥିବା କୱାସି କୱାରଟେଙ୍ଗକୁ ପଦ ଛାଡ଼ିବାକୁ କୁହାଯାଇଥିଲା। ତାଙ୍କ ସ୍ଥାନରେ ବ୍ରିଟେନର ଅର୍ଥମନ୍ତ୍ରୀ ଭାବେ ଜେର୍ମୀ ହଣ୍ଟଙ୍କୁ ଦାୟିତ୍ୱ ଦିଆଯାଇଥିଲା।
କରୋନା ଯୋଗୁ ଦେଶର ଅର୍ଥନୀତିକ ସ୍ଥିତି ବିଗିଡ଼ି ଯାଇଛି। ଏହାକୁ ସୁଧାରିବାର ପ୍ରତିଶ୍ରୁତି ଦେଇ ଟ୍ରସ ପ୍ରଧାନମନ୍ତ୍ରୀ ଗାଦିରେ ବସିଥିଲେ। ହେଲେ ସେ ଏ ଦିଗରେ କୌଣସି ପ୍ରକାରର ପଦକ୍ଷେପ ନେବାକୁ ସକ୍ଷମ ହୋଇନାହାନ୍ତି। ଏଥିପାଇଁ ଲୋକଙ୍କ ମନରେ ଅସନ୍ତୋଷ ଦାନା ବାନ୍ଧିବା ଆରମ୍ଭ ହୋଇଛି।
Powered by Froala Editor
