୨୮ଟି ତେଲିଆ ମାଛକୁ ୩୫ ଲକ୍ଷ
ମତ୍ସ୍ୟଜୀବୀଙ୍କୁ ଲକ୍ଷପତି କରିଦେଇଛି ୨୮ଟି ତେଲିଆ ଭୋଳା ମାଛ । ବାଲେଶ୍ୱର ଜିଲ୍ଲା ଜଳେଶ୍ୱର ଅନ୍ତର୍ଗତ ମୋହନାର କିଛି ମତ୍ସ୍ୟଜୀବୀଙ୍କୁ ଏଭଳି ତେଲିଆ ଭୋଳା ମିଳିଥିଲା। ଏହି ମାଛକୁ ସେମାନେ ମୋହନା ମାଛ ମାର୍କେଟରେ ବିକି ପ୍ରାୟ ୩୫ ଲକ୍ଷ ଟଙ୍କା ପାଇଛନ୍ତି। ପ୍ରତି ମାଛର ଓଜନ ପ୍ରାୟ ମାଛ ୮ ରୁ ୧୦ କେଜି ହେବ। ତେଣୁ ମତ୍ସ୍ୟଜୀବୀମାନେ ମାଛଗୁଡ଼ିକୁ ବିକ୍ରି କରି ଖୁସି ବ୍ୟକ୍ତି କରିଛନ୍ତି।
କୋଲକାତାର ଏକ ଫାର୍ମା କମ୍ପାନୀ ଏହି ମାଛ ଗୁଡ଼ିକୁ କିଣିଛି। ଏହି ମାଛ ସାଧାରଣତଃ ଔଷଧ ତିଆରିରେ ବ୍ୟବହାର ହୋଇଥାଏ ବୋଲି ଜଣାପଡ଼ିଛି। ଏହାଛଡ଼ା ମାଛ ଗୁଡ଼ିକ ବିଦେଶୀ ମଦ କମ୍ପାନୀମାନେ କିଣି ଆଲକହଲ ପ୍ରସ୍ତୁତିରେ ବ୍ୟବହାର କରିଥାନ୍ତି ।
ସୂଚନା ମୁତାବକ, ଓଡ଼ିଶା ଓ ପଶ୍ଚିମବଙ୍ଗ ସୀମାନ୍ତ ଦୀଘା ସମୁଦ୍ରମୁହାଣକୁ ଗତକାଲି କିଛି ମତ୍ସ୍ୟଜୀବୀ ମାଛ ମାରିବାକୁ ଯାଇଥିଲେ। ଆଜି ସେମାନେ ପ୍ରାୟ ୨୮ଟି ବଡ଼ ତେଲିଆ ଭୋଳା ମାଛ ଧରି ଫେରିଥିଲେ। ଏହି ମାଛକୁ ନେଇ ମୋହନା ମାଛ ମାର୍କେଟରେ ବିକ୍ରି କରିଥିଲେ।
Powered by Froala Editor
