ପ୍ରେମିକାକୁ ଗୁଳି କରି ଗାଡ଼ି ଆଗକୁ ପଳାଇଲା ଯୁବକ
ପ୍ରେମିକାଙ୍କୁ ଗୁଳି କରି ଗାଡ଼ି ଆଗକୁ ଡେଇଁ ପଡ଼ିଛନ୍ତି ପ୍ରେମିକ। ମହାରାଷ୍ଟ୍ରର ପାଲଘର ଅନ୍ତର୍ଗତ ବୋଇସର ସ୍ଥିତ ଗୋଟିଏ ଅଞ୍ଚଳରେ ଏପରି ଘଟଣା ଘଟଣା ଘଟିଛି। ଏହି ଘଟଣାରେ ଉଭୟ ପ୍ରେମିକା ଓ ପ୍ରେମିକଙ୍କ ମୃତ୍ୟୁ ଘଟିଛି।
ପୁଲିସ କହିଛି ଯେ, ପ୍ରେମିକାଙ୍କ ନାଁ ନେହା ଓ ପ୍ରେମିକଙ୍କ ନାଁ କ୍ରିଷ୍ଣା ଯାଦବ। ବୁଧବାର ଅପରାହ୍ନ ପ୍ରାୟ ୩.୩୦ରେ ନେହା ଓ କ୍ରିଷ୍ଣା ବୋଇସର ସ୍ଥିତି ଜନଗହଳୀପୂର୍ଣ୍ଣ ରାସ୍ତାରେ ପରସ୍ପରକୁ ଭେଟିଥିଲେ। କିଛି ସମୟର କଥାବାର୍ତ୍ତା ପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଯାଇଥିଲା। ଶେଷରେ କ୍ରିଷ୍ଣା ଗୋଟିଏ ଦେଶୀ ବନ୍ଧୁକ ବାହାର କରି ନେହାଙ୍କ ଉପରକୁ ଗୁଳି ଚଳାଇଥିଲେ। ଗୁଳିମାଡ଼ ପରେ ନେହା ଘଟଣାସ୍ଥଳରେ ହିଁ ଟଳି ପଡ଼ିଥିଲେ। ଏହା ଦେଖି କ୍ରିଷ୍ଣା ସେଠାରୁ ଫେରାର ହୋଇଯାଇଥିଲେ। କିନ୍ତୁ ଘଟଣାସ୍ଥଳରୁ ୫୦୦ ମିଟର ଦୂର ଯିବା ପରେ ସେ ମଧ୍ୟ ରାସ୍ତାରେ ଯାଉଥିବା ଗାଡ଼ି ସାମ୍ନାକୁ ଡେଇଁ ପଡ଼ିଥିଲେ। ପୁଲିସ୍ କ୍ରିଷ୍ଣା ବ୍ୟବହାର କରିଥିବା ଦେଶୀ ବନ୍ଧକକୁ ଜବତ କରିଛି। ଉଭୟଙ୍କ ମଧ୍ୟରେ କେଉଁ କାରଣରୁ ତିକ୍ତତା ବଢିଥିଲା ତାହାର ତଦନ୍ତ କରୁଛି ପୁଲିସ । ଦୁଇ ଜଣଙ୍କ ପରିବାର ଲୋକଙ୍କୁ ଯୋଗାଯୋଗ କରାଯାଇଛି । ତଦନ୍ତ ପରେ ବୟାନ ଦିଆଯିବ ବୋଲି ପୁଲିସ କହିଛି ।
Powered by Froala Editor
