ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଲକ୍ଷାଧିକ ସମର୍ଥକ ଅଛନ୍ତି। କିନ୍ତୁ ଏଭଳି ଏଭଳି ଜଣେ ପ୍ରଶଂସକଙ୍କ ଅଛନ୍ତି ଯିଏ ଯୋଗୀଙ୍କ ମନ୍ଦିର ନିର୍ମାଣ କରି ତାଙ୍କୁ ପୂଜା କରୁଛନ୍ତି । ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଙ୍କ ଶୈଳୀରେ ମୂର୍ତ୍ତିର ଆକୃତି ରହିଛି। ପ୍ରଭୁଙ୍କ ହାତରେ ଧନୁସର ଥିବା ଭଳି ଯୋଗୀ ମଧ୍ୟ ସମାନ ମୁଦ୍ରାରେ ଠିଆ ହୋଇଛନ୍ତି। ଉତ୍ତରପ୍ରଦେଶର ଭରତକୁଣ୍ଡ ପୁରୱା ଜିଲ୍ଲାରେ ଏହି ମନ୍ଦିର ନିର୍ମାଣ ହୋଇଛି। ମନ୍ଦିର ଭିତରେ ଯୋଗୀଙ୍କର ପୂଜାର୍ଚ୍ଚନା ହେଉଛି।

ଯେଉଁ ଦିନ ରାମ ମନ୍ଦିର ଭୂମି ପୂଜନ କରାଯାଇଥିଲା,ସେହି ଦିନ ଅର୍ଥାତ ୫ ଅଗଷ୍ଟ ୨୦୨୦ ରେ ଏହି ଗାଁରେ ଯୋଗୀଙ୍କ ମନ୍ଦିରର ଭିତ୍ତିପ୍ରସ୍ତର ସ୍ଥାପନା କରାଯାଇଥିଲା। ଏହି ମନ୍ଦିରରେ ମୁଖ୍ୟମନ୍ତ୍ରୀ ଯୋଗୀଙ୍କୁ ଭଗବାନ ଭଳି ପୂଜା କରାଯାଏ ଓ ଭଜନ-ଆଳତୀ କରାଯାଏ। ଯୋଗୀ ଆଦିତ୍ୟନାଥଙ୍କ ଏହି ମନ୍ଦିର ଅଯୋଧ୍ୟରୁ ୧୫ କିଲୋମିଟର ଦୂର ଆମ୍ବେଦକର ନଗର ରାଜମାର୍ଗରେ ରହିଛି। ପ୍ରଭାକର ମୌର୍ଯ୍ୟ ନାମକ ଜଣେ ବ୍ୟକ୍ତି ଏହି ମନ୍ଦିର ତିଆରି କରିଛନ୍ତି। ସେ ଏହି ମନ୍ଦିର ଯୋଗୀଙ୍କ ଆଦର୍ଶରେ ଅନୁପ୍ରାଣିତ ହୋଇ ତିଆରି କରିଛନ୍ତି। ପ୍ରଭାକର ଜଣେ ଭଜନ ଗାୟକ ଓ ଯୋଗୀଙ୍କ ସମର୍ଥନରେ ବହୁ ଭଜନ ତଆରି କରିଛନ୍ତି। ତେଣୁ ଲୋକମାନେ ତାଙ୍କୁ ଯୋଗୀଙ୍କ ପ୍ରଚାରକ ବୋଲି କହୁଛନ୍ତି।

ସୂଚନା ଅନୁଯାୟୀ ଏହି ମନ୍ଦିର ନିର୍ମାଣ ପାଇଁ ପ୍ରାୟ ୮.୫ ଲକ୍ଷ ଟଙ୍କା ଖର୍ଚ୍ଚ ହୋଇଛି। ଯୋଗୀଙ୍କର ପ୍ରତିମୂର୍ତ୍ତି ନିର୍ମାଣ ପାଇଁ ରାଜସ୍ଥାନରୁ ଅଡ଼ର ଦିଆଯାଇ ଅଣାଯାଇଛି। ଏହି ମନ୍ଦିରକୁ ନେଇ ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ପ୍ରତିକ୍ରିୟା ପ୍ରକାଶ କରିଛନ୍ତି । ସେ ଟ୍ୱିଟ କରି ପ୍ରଭାକରଙ୍କୁ ସମାଲୋଚନା କାରଇନ୍ତି। ଗତ ବର୍ଷ ବିଜେପି କର୍ମୀ ପୁଣେରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ଦିର ନିର୍ମାଣ କରିଥିଲେ।

Powered by Froala Editor