ଆଖି ପାଇଁ ଖୁବ୍ ଉପକାରୀ ଶିମ୍ଲା ଲଙ୍କା
![ଆଖି ପାଇଁ ଖୁବ୍ ଉପକାରୀ ଶିମ୍ଲା ଲଙ୍କା](https://odishanewslens.com/news_gallery/16217_1663049141.png)
ଶରୀର ପାଇଁ ଖୁବ ଉପକାରୀ ସାବ୍ୟସ୍ତ ହୋଇଥାଏ ଶିମଲା ଲଙ୍କା । ଅନ୍ୟ ସବୁଜ ପନିପରିବା ପରି ଏଥିରେ ମଧ୍ୟ ଭରିରହିଥାଏ ବିଭିନ୍ନ ପ୍ରକାର ପୋଷକ ତତ୍ତ୍ୱ । ଯାହା ଆମ ଶରୀର ପାଇଁ ମଧ୍ୟ ଖୁବ୍ ଉପକାରୀ । ଯେମିତିକି: ଏଥିରେ ବହୁତ କମ୍ ମାତ୍ରାରେ କ୍ୟାଲୋରୀ ରହୁଥିବାରୁ ଏହାକୁ ଖାଇଲେ ଓଜନ କମିବାରେ ସହାୟକ ହୋଇଥାଏ। ଶରୀରରେ କୋଲେଷ୍ଟରଲ୍ ମାତ୍ରା ବି ନିୟନ୍ତ୍ରଣରେ ରହିଥାଏ।
ତା’ଛଡ଼ା ଏଥିରେ ଆଇରନ୍ ଓ ଭିଟାମିନ୍-ସି ଟିକେ ଅଧିକ ପରିମାଣରେ ଥାଏ। ଆଇରନ୍ ଶରୀରରେ ହିମୋଗ୍ଳୋବିନ୍ର ମାତ୍ରାକୁ ବୃଦ୍ଧି କରିବାରେ ସହାୟକ ହେଉଥିବାବେଳେ ଭିଟାମିନ୍ ସି ଶରୀରରେ ଆଇରନ୍ର ମାତ୍ରାକୁ ଅବଶୋଷିତ କରିବାରେ ବିଶେଷ ସାହାଯ୍ୟ କରିଥାଏ। କେବଳ ସେତିକି ନୁହେଁ ଶିମ୍ଲା ଲଙ୍କାରେ ଭିଟାମିନ୍-ସି ପ୍ରଚୁର ମାତ୍ରାରେ ରହୁଥିବାରୁ, ଏହାକୁ ଖାଇଲେ ଶରୀରରେ ରୋଗ ପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ହୋଇଥାଏ।
କୁହାଯାଏ, ଆଖି ପାଇଁ ଶିମ୍ଲା ଲଙ୍କା ଖୁବ୍ ଉପକାରୀ। ନିୟମିତ ଏହାକୁ ଖାଇଲେ ଦୃଷ୍ଟିଶକ୍ତି ପ୍ରଖର ହେବା ସହ ମୋତିଆବିନ୍ଦୁ ସମସ୍ୟାରୁ ମଧ୍ୟ ଅନେକ ଉପଶମ ମିଳିଥାଏ। କେବଳ ସ୍ବାସ୍ଥ୍ୟ ନୁହେଁ ତ୍ୱଚାକୁ ସୁନ୍ଦର ଆଉ ସତେଜ ରଖିବାରେ ମଧ୍ୟ ଏହା ବେଶ୍ ଲାଭଦାୟକ ହୋଇଥାଏ। କବ୍ଜ, ଗ୍ୟାସ୍ ତଥା ପେଟ ଦରଜ ଆଦି ସମସ୍ୟାରୁ ବି ଶିମ୍ଲା ଲଙ୍କା ଅନେକ ଉପଶମ ଦେଇଥାଏ।
Powered by Froala Editor