ଭୁବନେଶ୍ୱର:  ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ  ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି ।   କରୋନାକୁ ମାତ ଦେବା ପାଇଁ ରାଜ୍ୟରେ ଏବେ ଟିକରକରଣ କାର୍ଯ୍ୟ ଜୋରଦାର ଚାଲିଛି ।  ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା  ଅବହେଳିତ ବର୍ଗଙ୍କୁ ଟିକା ଦେବା ପାଇଁ ରାଜ୍ୟରେ ସ୍ୱତନ୍ତ୍ର କେନ୍ଦ୍ର କରାଯିବ ।  ଜିଲ୍ଲା ଓ ସହରସ୍ତରରେ ସ୍ୱତନ୍ତ୍ର ଟିକା କେନ୍ଦ୍ର କରାଯିବ ବୋଲି  ସ୍ୱାସ୍ଥ୍ୟବିଭାଗ ପକ୍ଷରୁ ସୂଚନା ଦିଆଯାଇଛି ।  ଭିକାରୀ, ସାଧୁସନ୍ଥ ଓ ମାନସିକ ବିକାରଗ୍ରସ୍ତ ଆଦି ଅବହେଳିତ ବର୍ଗ ପାଇଁ ସ୍ୱତନ୍ତ୍ର ଟିକା କେନ୍ଦ୍ର କରାଯିବ ।  ଟିକା ପାଇଁ ଯୋଗ୍ୟ ଥାଇ ମଧ୍ୟ ପରିଚୟପତ୍ର ନଥିବାରୁ ଅବହେଳିତ ବର୍ଗଙ୍କୁ ଟିକା ଦେବା  ପାଇଁ ସମସ୍ୟା ଥିଲା ।

ପ୍ରକାଶ ଯେ,  ଏବେ ସାଧୁ, ସନ୍ଥ, ଅସହାୟ, ଭିକାରୀ ଓ ମାନସିକ ବିକୃତ ଲୋକଙ୍କୁ ଟିକା ଦିଆଯିବ ।  ଏଭଳି ବ୍ୟକ୍ତିମାନଙ୍କୁ ଚିହ୍ନଟ କରି ଟିକା ବ୍ୟବସ୍ଥା କରିବାକୁ ନିଦେ୍ର୍ଧଶ ଦିଆଯାଇଛି ।  ଏନେଇ ସ୍ୱାସ୍ଥ୍ୟ  ବିଭାଗ ଏସିଏସ ସବୁ ଜିଲ୍ଲାପାଳ ଓ ମୁ୍ୟନିସିପାଲ କମିଶନରଙ୍କୁ ଗତକାଲି ଚିଠି ଲେଖିଥିଲେ ।   ଟିକା ପାଇଁ ୭ଟି ପରିଚୟପତ୍ର ମଧ୍ୟରୁ ଗୋଟିଏ ଦେଖାଇବାକୁ ପଡ଼ୁଛି ।  ସାଧୁସନ୍ଥ ଓ ଭିକାରୀଙ୍କ ଭଳି କିଛି ବ୍ୟକ୍ତି ଅଛନ୍ତି ଯାହାଙ୍କ ପାଖରେ ଏସବୁ କିଛି ନାହିଁ ।  ସେମାନଙ୍କୁ ବି ସଂକ୍ରମଣ ଭୟ ରହୁଛି । ସେମାନଙ୍କୁ ଟିକାକରଣ କରଯାଉ ବୋଲି   ଏସିଏସ କହିଥିଲେ ।  ଏଭଳି ବ୍ୟକ୍ତିମାନଙ୍କୁ ଚିହ୍ନଟ କରି ଟିକା ବ୍ୟବସ୍ଥା କରିବାକୁ ସ୍ୱାସ୍ଥ୍ୟ ଏସିଏସ ସବୁ ଜିଲ୍ଲାପାଳ ଓ ମୁ୍ୟନିସିପାଲ କମିଶନରଙ୍କୁ ଚିଠି ଲେଖିଥିଲେ । 

Powered by Froala Editor