ଏଲୋପାଥି ଏବଂ ଏଲୋପାଥିକ ଡାକ୍ତରଙ୍କୁ ସମାଲୋଚନା କରିଥିବାରୁ ରାମଦେବଙ୍କୁ ସୁପ୍ରିମକୋର୍ଟ ତାଗିଦ କରିଛନ୍ତି। ସୁପ୍ରିମକୋର୍ଟ ରାମଦେବଙ୍କୁ କହିଛନ୍ତି ଯେ ସେ ଡାକ୍ତର ଏବଂ ଅନ୍ୟାନ୍ୟ ଚିକିତ୍ସା ପ୍ରଣାଳୀକୁ ଦାୟୀ କରିବା ଉଚିତ ନୁହେଁ। ଏହି ମାମଲାରେ ସୁପ୍ରିମକୋର୍ଟ ତାଙ୍କୁ ପ୍ରଶ୍ନ କରିବା ସହ ସ୍ପଷ୍ଟୀକରଣ ଦେବାକୁ ନୋଟିସ୍‌ ପଠାଇଛନ୍ତି। ଏହାପୂର୍ବରୁ ଦିଲ୍ଲୀ ହାଇକୋର୍ଟ ଲୋକଙ୍କୁ ଏଲୋପାଥି ବିରୁଦ୍ଧରେ କହି ଭ୍ରମିତ ନକରିବାକୁ ରାମଦେବଙ୍କୁ ପରାମର୍ଶ ଦେଇଥିଲେ।

ମଙ୍ଗଳବାର ଭାରତୀୟ ମେଡିକାଲ୍ ଆସୋସିଏସନ୍‌ର (ଆଇଏମ୍ଏ) ଆବେଦନ ଉପରେ ସୁପ୍ରିମକୋର୍ଟ ପତଞ୍ଜଳି ଆୟୁର୍ବେଦ ଏବଂ କେନ୍ଦ୍ର ସରକାରଙ୍କୁ ନୋଟିସ୍ ଜାରି କରିଛନ୍ତି। ଏଲୋପାଥିକୁ ବଦନାମ କରୁଥିବା ବିଜ୍ଞାପନ ଦେଖାଇବା ପାଇଁ କୋର୍ଟ ସ୍ପଷ୍ଟୀକରଣ ମାଗିଛନ୍ତି। ଏଥିସହ ଏଲୋପାଥି ଔଷଧ ଓ ଟିକା ବିରୋଧରେ ରାମଦେବ ଦେଇଥିବା ମନ୍ତବ୍ୟକୁ ନେଇ ଅସନ୍ତୋଷ ମଧ୍ୟ ଜାହିର କରିଛନ୍ତି। ୪ ସପ୍ତାହ ମଧ୍ୟରେ ଏହା ଉପରେ ସ୍ପଷ୍ଟୀକରଣ ରଖିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

କୋର୍ଟ କହିଛନ୍ତି, ଗୁରୁ ସୱାମୀ ରାମଦେବ ବାବାଙ୍କ ସହିତ କ'ଣ ହେଲା? ଆମେ ତାଙ୍କୁ ସମ୍ମାନ କରୁ କାରଣ ସେ ଯୋଗକୁ ଲୋକପ୍ରିୟ କରିଛନ୍ତି। ଆମେ ସମସ୍ତେ ଯୋଗ କରୁଛୁ। କିନ୍ତୁ, ସେ ଦ୍ୱିତୀୟ ଚିକିତ୍ସା ବ୍ୟବସ୍ଥାକୁ ସମାଲୋଚନା କରିବା ଉଚିତ ନୁହେଁ। ଆୟୁର୍ବେଦ ଯାହା କିଛି ପ୍ରଣାଳୀ ଗ୍ରହଣ କରିବ ତାହା ଠିକ କାର୍ଯ୍ୟ କରିବ ବୋଲି ଗ୍ୟାରେଣ୍ଟି କ'ଣ? ପ୍ରଧାନ ବିଚାରପତି ଏନ.ଭି ରମନା ଏବଂ ଜଷ୍ଟିସ ହିମା କୋହଲି ଏବଂ ଜଷ୍ଟିସ ସିଟି ରବିକୁମାରଙ୍କ ନେତୃତ୍ୱରେ ଗଠିତ ଏକ ବେଞ୍ଚ ଏହି ଟୀପ୍ପଣି କରିଛନ୍ତି। ବେଞ୍ଚ କହିଛନ୍ତି ଯେ ଯୋଗ ଗୁରୁ ଡାକ୍ତର ଏବଂ ଚିକିତ୍ସା ପ୍ରଣାଳୀ ଉପରେ ପ୍ରଶ୍ନ କରିପାରିବେ ନାହିଁ। ତାଙ୍କୁ ଏନେଇ ରୋକିବା ଭଲ ହେବ ।