ସରିଲା ପଶ୍ଚିମବଙ୍ଗ ଭୋଟ୍, ଆସିଲା ଏକ୍ଜିଟ୍ ପୋଲ ରିପୋର୍ଟ
ଦ୍ବିତୀୟ ପର୍ଯ୍ୟାୟରେ ପଶ୍ଚିମବଙ୍ଗ ବିଧାନସଭା ଲାଗି ଅବଶିଷ୍ଟ ୧୪୨ ଆସନରେ ହୋଇଛି ମତଦାନ। ଗଣତନ୍ତ୍ରର ଏ ମହାପର୍ବରେ ସାମିଲ ହୋଇଛନ୍ତି ହାୱଡ଼ା, ନଦିଆ, ହୁଗୁଳି, ପୂର୍ବ ବର୍ଦ୍ଧମାନ ଓ ନର୍ଥ ଏବଂ ସାଉଥ୍ ୨୪ ପ୍ରଗଣା ଭଳି ୭ ଜିଲ୍ଲାବାସୀ। ସକାଳ ୭ରୁ ସଂଧ୍ୟା ୬ଟା ଯାଏଁ ବୁଥ୍ ଆଗରେ ଥିଲା ଭୋଟରଙ୍କ ଲମ୍ବା ଲାଇନ୍।
ଏପ୍ରିଲ୍ ୨୩ ପ୍ରଥମ ପର୍ଯ୍ୟାୟ ନିର୍ବାଚନରେ ବ୍ୟାପକ ହିଂସାକୁ ଦେଖି ଦ୍ବିତୀୟ ପର୍ଯ୍ୟାୟରେ ଅଭୁତପୂର୍ବ ସୁରକ୍ଷା ବନ୍ଦୋବସ୍ତ କରିଥିଲେ ନିର୍ବାଚନ କମିଶନ୍। କିନ୍ତୁ ସବୁ ସୁରକ୍ଷା ବଳୟ ସତ୍ତ୍ବେ ୭ ଜିଲ୍ଲାର ଭିନ୍ନ ଭିନ୍ନ ସ୍ଥାନରୁ ଆସିଥିଲା ହିଂସା ଚିତ୍ର। ଛାପ୍ରା, ଶାନ୍ତିପୁର ଏବଂ ଭାଙ୍ଗରରେ ବିଜେପି ଓ ଟିଏମସି କର୍ମୀଙ୍କ ମଧ୍ୟରେ ମାରପିଟ୍ ସହ ବୁଥରେ ଭଙ୍ଗାରୁଜା ଦେଖିବାକୁ ମିଳିଥିଲା।
ହାଇପ୍ରୋଫାଇଲ୍ ନିର୍ବାଚନ ପଶ୍ଚିମବଙ୍ଗରେ ହୋଇଥିବାବେଳେ ଟିଏମସି ଏବଂ ବିଜେପି ମଧ୍ୟରେ କଡ଼ା ଟକ୍କର ହୋଇଛି । ୪ ତାରିଖରେ ପ୍ରକାଶ ପାଇଁ ୫ ରାଜ୍ୟର ନିର୍ବାଚନ ଫଳାଫଳ । ଉଭୟ ଦଳ ସରକାର ଗଠନ ପାଇଁ ଦାବି କରିଥିବାବେଳେ ଆସିଛି ବୁଥ୍ ବାହୁଡ଼ା ମତ । ଏଗଜିଟ୍ ପୋଲରେ ବିଜେପି ସରକାର ଗଠନ କରିବା ନେଇ ଅନେକ ସର୍ଭେ ରିପୋର୍ଟରେ ପ୍ରକାଶ ପାଇଛି।
Powered by Froala Editor
