ଆଲିଙ୍ଗନ ବେଳେ ମହିଳାଙ୍କ ଭାଙ୍ଗିଗଲା କଙ୍କାଳ ହାଡ଼, ଚିକିତ୍ସା ପାଇଁ ଯୁବକ ଦେଲେ ୧୫ ଶହ ଡଲାର
ଜଣେ ମହିଳାଙ୍କୁ ଜୋର୍ରେ ଆଲିଙ୍ଗନ କରିବା ଜଣେ ସହକର୍ମୀଙ୍କୁ ମହଙ୍ଗା ପଡିଛି । ମହିଳାଙ୍କ କଙ୍କାଳର ୩ଟି ହାଡ଼ ଭାଙ୍ଗିଯାଇଛି । ପରିସ୍ଥିତି ଏମିତି ହୋଇଛି ଯେ, ମହିଳାଙ୍କ ଚିକିତ୍ସା ଖର୍ଚ୍ଚ ପାଇଁ ସହକର୍ମୀଙ୍କୁ ୧୫ଶହ ଡଲାର ଦେବାକୁ ପଡିଛି । ଯାହାର ମୂଲ୍ୟ ଭାରତରେ ପ୍ରାୟ ୧ ଲକ୍ଷ ୨୦ ହଜାର ଟଙ୍କା ହେବ । ଏ କଥା ସତ । ଘଟଣାଟି ଚାଇନାର ଏକ କମ୍ପାନୀରେ ଘଟିଛି ।
ଗତ ବର୍ଷ ମହିଳା ଜଣକ ଅଫିସ୍ରେ ଥିବାବେଳେ ତାଙ୍କ ସହକର୍ମୀ ସେଠାରେ ତାଙ୍କୁ ଜୋର୍ରେ ଆଲିଙ୍ଗନ କରିଥିଲେ। ମହିଳା ଜଣକ ଯନ୍ତ୍ରଣାରେ ଚିତ୍କାର କରିଥିଲେ। ଘରୋଇ ଚିକିତ୍ସାରେ ଯନ୍ତ୍ରଣା ନ କମିବାରୁ ସେ ଡାକ୍ତରଖାନା ଯାଇଥିଲେ। ଏକ୍ସ-ରେ କରିବା ପରେ ତାଙ୍କ କଙ୍କାଳରେ ୩ଟି ହାଡ଼ ଭାଙ୍ଗିଯାଇଥିବା ଜାଣିବାକୁ ପାଇଥିଲେ।
ଏଥିରୁ ସୁସ୍ଥ ହେବା ପାଇଁ ତାଙ୍କୁ ଅନେକ ଦିନ ଲାଗିଥିଲା। ଏଥିନିମନ୍ତେ ମହିଳା ଜଣକ ଅଫିସ୍ରୁ ଛୁଟି ନେଇଥିଲେ। ଫଳରେ ତାଙ୍କ ଦରମା ମଧ୍ୟ କଟିଥିଲା। ମେଡିକାଲ ଖର୍ଚ୍ଚ, ଦରମା କଟିବା ଆଦିର କ୍ଷତିପୂରଣ ପାଇଁ ମହିଳା ଜଣକ କିଛିଦିନ ତଳେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ମାମଲାର ଶୁଣାଣି କରି ଚାଇନା କୋର୍ଟ ଯୁବକ ଜଣଙ୍କୁ ୧୫ଶହ ଡଲାର ଦେବା ନିର୍ଦ୍ଦେଶ ଦେଇଛନ୍ତି।
Powered by Froala Editor