ଗୋମାଂସ ବିକ୍ରି କରିବା ଅଭିଯୋଗରେ ଜଣେ ଗିରଫ
କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଶଗଡପଟା ପଂଚାୟତର ଖଡିବାହାଳି ମାଝୀସାହିରେ ଗୋ ମାଂସ କାଟି ବିକ୍ରି କରିବାକୁ ନେଇ ଉତେଜନା ଦେଖାଯାଇଛି । କୌଣସି ଅପ୍ରୀତିକର ପରିସ୍ଥିତ ଘଟିବା ଆଶଙ୍କା ଥିବାକୁ ଦୃଷ୍ଟିରେ ରଖି ହରିଚନ୍ଦନପୁର ପୁଲିସ ଗୋ ମାଂସ କାଟି ବିକ୍ରି କରିବା ଅଭିଯୋଗରେ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ଗିରଫ ଅଭିଯୁକ୍ତ ଜଣଙ୍କ ହେଲେ ହରିଚନ୍ଦନପୁର ଥାନା ଶଗଡପଟା ପଂଚାୟତ ଖଡିବାହାଳି ମାଝୀସାହିର ଧର୍ମେନ୍ଦ୍ର ମାଝୀ (୪୦) ।
ଶୁକ୍ରବାର ରାତିରେ ଧର୍ମେନ୍ଦ୍ର ଏକ ଗାଈକୁ ମାରିବା ପରେ ତାର ମାଂସକୁ କାଟି ବିକ୍ରି କରିବା ସହ ଆଉ ଗୋଟିଏ ଗାଈକୁ ମାରି ତାର ମାଂସକୁ କାଟିବା ପାଇଁ ମସୁଧା କରୁଥିବା ବେଳେ ଖବର ପାଇ ୧୦ ରୁ ୧୫ ଜଣ ଲୋକ ଘଟଣା ସ୍ଥଳରେ ପହଁଚି ତାକୁ ଏପରି ନ କରିବାକୁ ବାରଣ କରିଥିଲେ । ତେବେ ସେ ଅମାନ୍ୟ ହେବାରୁ ଘଟଣା ସମ୍ପର୍କରେ ହରିଚନ୍ଦନପୁର ପୁଲିସ ଧର୍ମେନ୍ଦ୍ର ମାଝୀକୁ କାବୁ କରି ଧରିବା ସହ ଥାନାକୁ ଆଣି ପଚରାଉଚୁରା କରିଥିଲେ । ଆଜି ଥାନା କେଶ ନଂ ୧୬୫/୨୨ ଧାରା ୪୨୯ ଆଇପିସି / ୩ ମୂଳେ ଧର୍ମେନ୍ଦ୍ରକୁ ଗିରଫ କରି କୋର୍ଟ ଚାଲାଣ କରାଯାଇଛି ।
Powered by Froala Editor
