ବ୍ରିଟେନ: ସୁଦୂର ଲଣ୍ଡନରେ ଭାରତୀୟ ସଂଗୀତର ଝଲକ ଦେଖିବାକୁ ମିଳିଛି । ବ୍ରିଟେନର ଜଣେ ଷ୍ଟ୍ରିଟ ସିଙ୍ଗର ୨୦୦୩ର ହିଟ୍‌ ବଲିଉଡ଼ ଚଳଚିତ୍ର ‘କଲ ହୋ ନା ହୋ’ ରେ ସୋନୁ ନିଗମ ଗାଇଥିବା ଲୋକପ୍ରିୟ ଗୀତ ଗାଇ ଅନେକଙ୍କ ହୃଦୟ ଜିଣିଛନ୍ତି । ଭିଶ୍‌ ନାମକ ଜନୈକ ସଂଗୀତଜ୍ଞ ତାଙ୍କ ଅଭିନୟର ଭିଡ଼ିଓକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି । ଭାଇରାଲ କ୍ଲିପ୍‌ରେ ଭିଶ୍‌ ଙ୍କୁ ରାସ୍ତା ମଝିରେ ଠିଆ ହୋଇଥିବା ଦେଖିବାକୁ ମିଳିଛି । ତାଙ୍କ ହାତରେ ମାଇକ୍ରୋଫୋନ୍‌ ଏବଂ ଚାରିପାଖରେ ସ୍ପିକର ରଖାଯାଇଛି । ଅନେକ ଲୋକ ତାଙ୍କ ଗୀତ ଶୁଣିବା ପାଇଁ ଏକତ୍ରିତ ହୋଇଥିବା ଦେଖିବାକୁ ମିଳୁଥିବାବେଳେ ଅନେକ ଦୂରରେ ବସି ଉପଭୋଗ କରୁଛନ୍ତି ।

ସେୟାର ହେବା ପରଠାରୁ ଭିଡ଼ିଓଟି ଚାରି ଲକ୍ଷରୁ ଅଧିକ ଇଣ୍ଟରନେଟ୍‌ ଦର୍ଶକ ଏବଂ ୪୫୦,୦୦୦ରୁ ଅଧିକ ଲାଇକ ସଂଗ୍ରହ କରିଛି । ଇଣ୍ଟରନେଟ ବ୍ୟବହାରକାରୀମାନେ କେବଳ ଭିଶ୍‌ଙ୍କ ସଙ୍ଗୀତକୁ ନୁହେଁ ତାଙ୍କ ପ୍ରଦର୍ଶନକୁ ଭଲ ପାଉଥିଲେ । ମନ୍ତବ୍ୟ ବିଭାଗରେ ସେମାନଙ୍କ ପ୍ରେମର ସୁଅ ଛୁଟାଇ ଦେଇଥିଲେ । ଜଣେ ଉପଭୋକ୍ତା ସଂଗୀତକାରଙ୍କୁ ଭାରତୀୟ ଗାୟକ ଅରିଜିତ ସିଂଙ୍କ ସହ ତୁଳନା କରିଥିବାବେଳେ ଅନ୍ୟମାନେ ତାଙ୍କର ଅଭିନୟ ସେମାନଙ୍କୁ କିପରି ପ୍ରଭାବିତ କରିଛି ସେ ସମ୍ପର୍କରେ ଲେଖିଛନ୍ତି ।

ଏହା ପୂର୍ବରୁ ସେ ‘ଏକ୍‌ ଲେଡ଼କି କୋ ଦେଖା ତୋ ଐସା ଲଗା’ ଏବଂ ‘କୁଛ କୁଛ ହୋତା ହୈ’ ଗାଇ ଅନୁରୂପ ପ୍ରଶଂସା ସାଉଁଟିଥିଲେ । 

Powered by Froala Editor