ଅନ୍ଧବିଶ୍ୱାସ: ଚେଙ୍କ ନେଲା ଶିଶୁର ଜୀବନ
ନବରଙ୍ଗପୁର: ଅନ୍ଧବିଶ୍ୱାସର ଅନ୍ଧଗଳିରେ ବଳି ପଡୁଛି କଅଁଳ ଜୀବନ । ଚିକିତ୍ସା ବାହାନାରେ ଶିଶୁଙ୍କୁ ଚେଙ୍କ ଦେଲେ ଦିଶାରୀ । ଭଲ କରିବା ବାହାନାରେ ଶିଶୁର ଦେହରେ ଦିଆଯାଇଥିଲା ୨୫ ଚେଙ୍କ । ସୂଚନା ଅନୁସାରେ ନବରଙ୍ଗପୁର ରାଇଘର ବ୍ଲକ ଯୋଡାପାରା ଗାଁର ସୁକଦେବ ଗଣ୍ଡଙ୍କ ୯ ମାସର ପୁଅ ଥଣ୍ଡା, କାଶ ଜ୍ୱର ହୋଇଥିଲା । ପରିବାର ଲୋକେ ତାକୁ ଡାକ୍ତରଖାନାକୁ ନେବା ପରିବର୍ତ୍ତେ ପ୍ରଥମେ ଜଣେ ଦିଶାରୀ ବା ଗୁଣିଆ ପାଖକୁ ନେଇଥିଲେ ।
ସେଠାରେ ଶିଶୁର ପେଟରେ ଦିଆଯାଇଥିଲା ଚେଙ୍କ । ଅବସ୍ଥା ସୁଧୁରିବା ପରିବର୍ତ୍ତେ ଗୁରୁତର ହୋଇପଡିବାରୁ ରାଇଘର ହାଟଭରଣ୍ଡି ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ତାପରେ ଶିଶୁକୁ ଘରକୁ ନେଇଯିବାକୁ ଅଡିବସିଥିଲେ ପରିବାର ଲୋକେ ଆଉ ଡାକ୍ତରଙ୍କ ବାରଣ ସତ୍ତେ୍ୱ ନେଇଯାଇଥିଲେ ।
Powered by Froala Editor
