୨୦୦୯ ଆଇପିଏଲ ଦକ୍ଷିଣ ଆଫ୍ରିକା ଫେମା ମାମଲାରେ ଆଇପିଏଲ ପ୍ରତିଷ୍ଠାତା ଲଳିତ ମୋଦି ଏବଂ ଅନ୍ୟମାନଙ୍କୁ ଏକ ବଡ଼ ଆଶ୍ୱସ୍ତି ମିଳିଛି । ଯାହା ପରେ ଲଳିତ ମୋଦୀ ଶେଷରେ ୧୬ ବର୍ଷ ପରେ ଭାରତ ଫେରିବେ। ସେ ନିଜେ ଏହି ଖବର ସେୟାର କରିଛନ୍ତି। ତାଙ୍କର ଏକ ଭିଡିଓ ସୋସିଆଲ ମିଡିଆରେ ପ୍ରକାଶ ପାଇଛି ଯେଉଁଥିରେ ସେ କହିଛନ୍ତି ଯେ, ସେ ଟ୍ରିବ୍ୟୁନାଲର ନିଷ୍ପତ୍ତିରେ ବହୁତ ଖୁସି ଏବଂ ଭାରତ ଫେରିବାକୁ ଆଗ୍ରହୀ।

'ସଫେମା' ଅଧୀନରେ ଥିବା ଆପିଲେଟ୍ ଟ୍ରିବ୍ୟୁନାଲ୍, ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଦ୍ୱାରା ଲଲିତ୍ ମୋଦୀଙ୍କ ଉପରେ ଲଗାଯାଇଥିବା ଅଧିକାଂଶ ଅଭିଯୋଗ ଓ ଜରିମାନାକୁ ରଦ୍ଦ କରିଦେଇଛନ୍ତି।୨୦୦୯ ଆଇପିଏଲ୍ ସମୟରେ ମୋଦୀ କୌଣସି FEMA ଆଇନ୍ ଉଲ୍ଲଂଘନ କରିଥିବା ନେଇ କୌଣସି ପର୍ଯ୍ୟାପ୍ତ ପ୍ରମାଣ ନାହିଁ ବୋଲି ଜୁଲାଇ ୧୬ରେ ପ୍ରକାଶିତ ଏହି ରାୟରେ କୁହାଯାଇଛି। ସାଉଥ୍ ଆଫ୍ରିକାରେ ଆଇପିଏଲ୍ ଆୟୋଜନ ପାଇଁ ପଠାଯାଇଥିବା ଅର୍ଥ 'କରେଣ୍ଟ ଆକାଉଣ୍ଟ ଟ୍ରାଞ୍ଜାକ୍ସନ୍' ଥିଲା। ଟ୍ରିବ୍ୟୁନାଲ୍ ଏହାକୁ ଗ୍ରହଣ କରି ED ର ମୂଳ କେସ୍ ଆଧାରକୁ ଖାରଜ କରିଛନ୍ତି।

ନ୍ୟୁଜ ଏଜେନ୍ସି ଏଏନଆଇ ଲଳିତ ମୋଦିଙ୍କ ଏହି ଭିଡିଓ ସେୟାର କରିଛି, ଯେଉଁଥିରେ ସେ କହିଛନ୍ତି, "ଗତକାଲି ଆସିଥିବା ନିଷ୍ପତ୍ତିରେ ମୁଁ ବହୁତ ଖୁସି। ସତରେ, ଏହି ଦିନଟି ବହୁତ ଭଲ ଦିନ ଥିଲା। ମୁଁ ୧୬ ବର୍ଷ ଧରି ଲଢ଼ିଥିଲି, ଏବଂ ମୁଁ ଗଣମାଧ୍ୟମ ଏବଂ ଅନ୍ୟ ସମସ୍ତଙ୍କୁ ଯାହା କହିଥିଲି ତାହା ଶେଷରେ ସତ୍ୟ ପ୍ରମାଣିତ ହୋଇଛି। ମୁଁ ବହୁତ ଖୁସି ଯେ ଟ୍ରିବ୍ୟୁନାଲ ମୋ ସପକ୍ଷରେ ରାୟ ଦେଇଛି।"

Powered by Froala Editor