ଆଜିଠୁ ରାଜଧାନୀରେ ଗଡ଼ିବ ଇ-ବସ୍
ଭୁବନେଶ୍ୱର: ଆଜିଠୁ ଭୁବନେଶ୍ବରରେ ଆରମ୍ଭ ହେବ ଇ-ବସ୍ ସେବା । ପ୍ରାଥମିକ ପର୍ୟ୍ୟାୟରେ ସହରରେ ୧୦ଟି ଇ-ବସ୍ ଚଳାଚଳ କରିବ। ଆଜି ସନ୍ଧ୍ୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସେବାର ଶୁଭାରମ୍ଭ କରିବେ। ଇ-ବସ ସହିତ ଇ-ରିକ୍ସା ମଧ୍ୟ ଚଳାଚଳ କରିବ ବୋଲି ସୂଚନା ଦେଇଛି ମୋ ବସ ପରିଚାଳନା ସଂସ୍ଥା (କ୍ରୁଟ୍)।
ଗତ ୨ମାସ ତଳୁ ଭୁବନେଶ୍ବରରେ ଇ-ବସ୍ ପହଞ୍ଚି ସାରିଛି। ବସ ଚଳାଚଳ ପାଇଁ ସ୍ବତନ୍ତ୍ର କ୍ୟାପଟେନଙ୍କୁ ଚୟନ କରାଯାଇ ତାଲିମ ଦେବା ସହିତ ଏହାର ଟ୍ରାଏଲ ରନ୍ କରାଯାଇଛି। ବସରେ ବାଲିବସ୍ତା ରଖାଯାଇ ଟ୍ରାଏଲ କରାଯାଇଛି। ବସରେ ଯାତ୍ରୀଙ୍କ ସଂଖ୍ୟା ୩୦ରେ ସୀମିତ ରହିବ। ସବୁ ବସ ଶୀତତାପ ନିୟନ୍ତ୍ରିତ ରହିଛି।ପଟିଆ ଓ ଭଗବାନପୁରରେ ସ୍ଥାପିତ ଅତ୍ୟାଧୁନିକ ବସ ଡିପୋରେ ବସ ଗୁଡ଼ିକ ରହିବ। ଏଠାରେ ସେଗୁଡ଼ିକୁ ଚାର୍ଜିଂ ବ୍ୟବସ୍ଥା କରାଯାଇଛି। ପ୍ରାଥମିକ ପର୍ୟ୍ୟାୟରେ ୧୦ଟି ବସ ଚାଲିବାକୁ ଥିବାବେଳେ ଖୁବଶୀଘ୍ର ଏହା ୫୦କୁ ବୃଦ୍ଧି ପାଇବ। ଏହାଦ୍ବାରା ଉଭୟ ଶବ୍ଦ ଓ ବାୟୁ ପ୍ରଦୂଷଣ ରୋକାଯାଇପାରିବ।ତେବେ ଇ-ବସ ସେବା ସହିତ ଇ-ରାଇଡ ସେବା ମଧ୍ୟ ଆରମ୍ଭ ହେବ। ଯେଉଁଥିପାଇଁ ୪୫ଟି ଇ-ରିକ୍ସା ଲୋକାପ୍ରଣ ହେବ। ଇ-ରିକ୍ସା ଜରିଆରେ ମୋ ବସ ଷ୍ଟାଣ୍ଡ ପର୍ୟ୍ୟନ୍ତ ସୁବିଧାରେ ଯାତାୟତ କରିପାରିବେ ଜନସାଧାରଣ।
Powered by Froala Editor
