ଷ୍ଟାର ଦମ୍ପତିଙ୍କୁ ଧମକ ଦେଉଥିବା ଯୁବକ ଗିରଫ
ବଲିଉଡ ଷ୍ଟାର୍ କପଲ୍ କ୍ୟାଟ୍ରିନା କୈଫ ଏବଂ ବିକି କୌଶଲଙ୍କୁ ହତ୍ୟା ଧମକ ଦେଇଥିବା ଯୁବକ ଗିରଫ ହୋଇଛନ୍ତି। ଗିରଫ ଯୁବକଙ୍କ ନାଁ ମନବିନ୍ଦର ସିଂ। ସେ କ୍ୟାଟ୍ରିନାଙ୍କର ଜଣେ ବଡ଼ ପ୍ରଶଂସକ। ସେ ତାଙ୍କୁ ବିବାହ କରିବାକୁ ମଧ୍ୟ ଚାହାଁନ୍ତି।
ମନବିନ୍ଦର ଗତ କିଛି ମାସ ହେବ ସୋସିଆଲ ମିଡିଆରେ କ୍ୟାଟ୍ରିନାଙ୍କୁ କ୍ରମାଗତ ଭାବରେ ହଇରାଣ କରୁଥିଲା। ମନବିନ୍ଦର ଲକ୍ଷ୍ନୈରେ ରହୁଛି ଏବଂ ସେ ନିଜ ଇନଷ୍ଟା ଆକାଉଣ୍ଟରେ କ୍ୟାଟ୍ରିନାଙ୍କୁ ନିଜ ପତ୍ନୀ ଏବଂ ଗାର୍ଲଫ୍ରେଣ୍ଡ ବୋଲି କହିଥିଲା । ମନବିନ୍ଦର କିଙ୍ଗ ଆଦିତ୍ୟ ରାଜପୁତ ନାଁରେ ଫେକ ଆଇଡି ଖୋଲି ନିଜ ସହ କ୍ୟାଟ୍ରିନାଙ୍କ ଫଟୋ ଏଡିଟ କରି ପୋଷ୍ଟ କରୁଥିଲା । ଏମିତିକି ନିଜ ଆକାଉଣ୍ଟରେ କାଟ୍ରିନାଙ୍କୁ ନିଜ ସ୍ତ୍ରୀ ବୋଲି ଉଲ୍ଲେଖ କରିଛି । ଭିକି କାଟ୍ରିନାଙ୍କୁ ବିବାହ କରିବା ପରେ ବ୍ୟକ୍ତିଜଣଙ୍କ ଉଭୟଙ୍କୁ ମାରିବାଦେବାକୁ ଧମକ ଦେଇ ଆସୁଥିଲା ।
ସେ ମୁମ୍ବାଇରେ ଜଣେ ଷ୍ଟ୍ରଗଲିଙ୍ଗ ଆକ୍ଟର ବୋଲି ଜଣାଯାଇଛି । ଫିଲ୍ମରେ କାମ ପାଇବାକୁ ଚେଷ୍ଟା କରୁଥିଲା । ମନବିନ୍ଦର ପୋଲିସ ପଚରା ଉଚରା ସମୟରେ କହିଛି, ସେ କ୍ୟାଟ୍ରିନାଙ୍କୁ ଏକତରଫା ପ୍ରେମ କରୁଛି । ସେ ଫେକ ଇନଷ୍ଟାଗ୍ରାମ ଆକାଉଣ୍ଟ ତିଆରି କରି କ୍ୟାଟ୍ରିନାଙ୍କୁ ଅଶ୍ଲୀଳ ଏବଂ ଧମକ ମେସେଜ କରୁଥିଲା ।
Powered by Froala Editor
