ସମ୍ବଲପୁର ଜିଲ୍ଲା ଧମା ରେଞ୍ଜରେ ଦୁଇଟି ହାତୀର ଦରପୋଡା କଙ୍କାଳ ମିଳିଛି । ଯାହାକି ସମସ୍ତଙ୍କୁ ସ୍ତବ୍ଧ କରିଦେଇଛି । ଧମା ରେଞ୍ଜ ଅନ୍ତର୍ଗତ ତବଲଇ-ଦେଓଗାଁ ସଂରକ୍ଷିତ ଜଙ୍ଗଲ ପାଖରେ ପ୍ରଥମ ହାତୀ କଙ୍କାଳ ଉଦ୍ଧାର କରାଯାଇଥିବା ବେଳେ ଦ୍ୱିତୀୟ କଙ୍କାଳ ଏହି ରେଞ୍ଜ ଅନ୍ତର୍ଗତ କଲୋଗାଁ ସଂରକ୍ଷିତ ଜଙ୍ଗଲରେ ମିଳିଛି।

ପ୍ରଥମ ସ୍ଥାନରେ ଜଙ୍ଗଲରୁ ଗୋଟିଏ ସ୍ଥାନରେ ପଡ଼ିଥିବା ଦରପୋଡ଼ା ହାତୀ କଙ୍କାଳ ନମୁନା ସଂଗ୍ରହ କରାଯାଇଥିବା ବେଳେ ଦ୍ୱିତୀୟ ସ୍ଥାନରେ ମାଟି ଖୋଳି ହାତୀ କଙ୍କାଳ ନମୁନା ସଂଗ୍ରହ କରାଯାଇଛି। ଏହାକୁ ଫରେନସିକ୍ ଯାଞ୍ଚ ନିମନ୍ତେ କ୍ରାଇମବ୍ରାଞ୍ଚ ପଠାଇଛି। ଏନେଇ ଧମା ରେଞ୍ଜ ଡେପୁଟି ରେଞ୍ଜର ପୂର୍ଣ୍ଣ ଚନ୍ଦ୍ର ମହନ୍ତ କହିଛନ୍ତି, ପ୍ରାୟ ୬ ମାସ ତଳେ ଏହି ଦୁଇଟି ହାତୀଙ୍କୁ ଶିକାର ପରେ ପୋଡ଼ି ମାରି ଦିଆଯାଇଥିବା ଅନୁମାନ କରାଯାଉଛି। ଘଟଣା ସ୍ଥଳରୁ ମିଳିଥିବା ଦରପୋଡ଼ା କାଠ ଓ ହାଡ଼ ଜବତ କରାଯାଇ ଯାଞ୍ଚ ନିମନ୍ତେ ନିଆଯାଇଛି।

ହାତୀ କଙ୍କାଳ ମିଳିବା ଘଟଣାରେ ନିଜ ଆଡୁ ମାମଲ ରୁଜୁ କଲା ବନ ବିଭାଗ । ତେବେ ଗୋଟିଏ ମାସ ଭିତରେ ତଦନ୍ତ ସାରିବାକୁ ଲକ୍ଷ୍ୟ ରଖାଯାଇଥିବା ଡିଏଫଓ କହିଛନ୍ତି । ଜବତ କରାଯାଇଥିବା ହାଡକୁ ଫରେନ୍ସିକ ଲାବ୍‌ ବା ଓୟୁଏଟି ସ୍ଥିତ ସେଣ୍ଟର ଫର ଓ୍ବାଇଲ୍ଡ ହେଲ୍‌ଥକୁ ପଠାଯିବ । ୧୫ରୁ ୬୫ଟି ହାତୀର ଗତିବିଧି ଥିବାବେଳେ ପ୍ରକୃତ ତଥ୍ୟ କୁହାଯାଇପାରିବ ନାହିଁ ବୋଲି ଡିଏଫଓ କହିଛନ୍ତି |

Powered by Froala Editor