ଭାଇରାଲ ହେଉଛି ସ୍ୱିଗୀ ଓ ଜମାଟୋ ଡେଲିଭରୀ ବୟଙ୍କ ବନ୍ଧୁତା
ଏବେ ସୋସିଆଲ ମିଡିଆରେ ଜୋମାଟୋ-ସ୍ବିଗୀ ଡେଲିଭରୀ ବୟଙ୍କ ବନ୍ଧୁତାର ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ସ୍ବିଗୀ ଡେଲିଭରୀ ବୟ ଜୋମାଟୋ କମ୍ପାନୀର ବୟଙ୍କୁ ସାହାଯ୍ୟ କରୁଥିବା ଦେଖାଯାଉଛି। ଶନିବାର ସୋସିଆଲ ମିଡିଆରେ ପୋଷ୍ଟ କରାଯାଇଥିବା ଏହି ଭିଡିଓରେ ମୋଟରସାଇକେଲରେ ସ୍ବିଗୀ ଡେଲିଭରୀ ବୟ ଜୋମାଟୋ ବୟଙ୍କୁ ସାଇକେଲ ଚଲାଇବାରେ ସାହାଯ୍ୟ କରୁଛନ୍ତି। ସେ ଜୋମାଟୋ ବୟଙ୍କ ହାତ ଧରିଛନ୍ତି, ଯେଉଁ କାରଣରୁ ତାଙ୍କ ସାଇକେଲ ବାଇକ ବେଗରେ ଗତି କରୁଛି । ଏହି ଭିଡ଼ିଓ ସମସ୍ତଙ୍କ ହୃଦୟ ଜିଣିବାରେ ଲାଗିଛି।
ଭିଡିଓର କ୍ୟାପସନରେ ଲେଖା ଅଛି, ଦିଲ୍ଲୀର ଗରମ ଦିନରେ ପ୍ରକୃତ ବନ୍ଧୁତା। ଏହି ଭିଡିଓଟିକୁ ୟୁଜର ଶେୟାର କରିବାରେ ଲାଗିଛନ୍ତି। ସମସ୍ତେ ସ୍ବିଗୀ କମ୍ପାନୀର ବୟଙ୍କୁ ପ୍ରଶଂସା କରୁଛନ୍ତି। କରୋନା ମହାମାରୀ ପରେ ଖାଦ୍ୟ ବିତରଣ ଏଜେଣ୍ଟମାନଙ୍କ ଉପରେ ଚାପ ବୃଦ୍ଧି ପାଇଛି। ବାସ୍ତବରେ ଅନେକ କମ୍ପାନୀ ପ୍ରତିଦ୍ୱନ୍ଦ୍ୱୀଙ୍କୁ ପରାସ୍ତ କରିବାକୁ ଦ୍ରୁତତମ ବିତରଣ ପାଇଁ ପ୍ରତିଶ୍ରୁତି ଦେଉଛନ୍ତି। ଯେଉଁଥିପାଇଁ ଡେଲିଭରୀ ବୟଙ୍କ ଉପରେ କାର୍ଯ୍ୟ ଚାପ ରହୁଛି । ତାଭିତରେ ଏ ଭିଡିଓ ସମସ୍ତଙ୍କୁ ପସନ୍ଦ ଆସିଛି । ସାହାଯ୍ୟକାରୀ ମନ ଓ ଉତ୍ତମ ବନ୍ଧୁତାର ଏହା ଏକ ଉଦାହରଣ ବୋଲି ସମସ୍ତେ କହୁଛନ୍ତି ।
Powered by Froala Editor
