ଭୁବନେଶ୍ୱର : କରୋନାର ଦ୍ୱିତୀୟ ଲହର ଏବେ ସାରା ଦେଶରେ ଚିନ୍ତା ବଢ଼ାଇ ଦେଇଛି  । ପ୍ରଥମ ଲହର ଅପେକ୍ଷା ଦ୍ୱିତୀୟ ଲହର ଭୟଙ୍କର ହେବାରେ ଲାଗିଛି  । ଏହି ପରିପ୍ରେକ୍ଷୀରେ ବିଶେଷଜ୍ଞଙ୍କ ଆକଳନ ଚିନ୍ତା ବଢ଼ାଇବା ସ୍ୱାଭାବିକ  । କରୋନା ସଂକ୍ରାନ୍ତରେ ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତିଯେ, ରାଜ୍ୟରେ ଲକଡାଉନ ଓ ସଟଡାଉନ ଯୋଗୁଁ କରୋନା ଚେନ ଭାଙ୍ଗିଛି  । ମେ’ ୧୫ ମଧ୍ୟରେ କରୋନା ପିକକୁ ଯିବ ବୋଲି ଆକଳନ କରାଯାଇଥିଲା  । ରାଜ୍ୟ ସରକାରଙ୍କ ପଦକ୍ଷେପ ଯୋଗୁଁ ସଂକ୍ରମଣ ନିୟନ୍ତ୍ରଣକୁ ଆସିପାରିଛି  । ଗାଁ ଓ ଛୋଟ ସହରରେ ସଂକ୍ରମଣ ବଢିଥିବାରୁ କମିବାକୁ ସମୟ ଲାଗିବ  । ଦ୍ୱିତୀୟ ସଂକ୍ରମଣ ଆହୁରି ୬ ମାସ ରହିବ  । ତେଣୁ କଟକଣା ମାନି ଚଳିବାକୁ ପଡ଼ିବ  । ସତର୍କ ରହିଲେ ହିଁ ତୃତୀୟ ଲହରକୁ ମାତ ଦେଇହେବବୋଲି ଶ୍ରୀ ମିଶ୍ର ପ୍ରକାଶ କରିଛନ୍ତି  ।

ଅପରପକ୍ଷରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ବୈଷୟିକ ମୁଖପାତ୍ର ଜୟନ୍ତ ପଣ୍ଡା କହିଛନ୍ତିଯେ, କରୋନା ଦ୍ୱିତୀୟ ଲହରରେ ଆମ ରାଜ୍ୟ ଏବେବି ପିକରେ ପହଁଚିନାହିଁ  । ଏବେ ସୁଦ୍ଧା ଆକ୍ରାନ୍ତଙ୍କ ସଂଖ୍ୟାରେ ନିୟନ୍ତ୍ରଣ ଆସିପାରିନାହିଁ  । ନିୟନ୍ତ୍ରଣ ପାଇଁ ଲୋକଙ୍କ ସହଯୋଗ ଜରୁରୀ  । ଲୋକେ କୋଭିଡ଼ କଟକଣାକୁ ଠିକରେ ପାଳନ କଲେ କରୋନା ସଂକ୍ରମଣ ନିୟନ୍ତ୍ରଣ ହୋଇପାରିବ  । ଆମର ଆଚରଣ ହିଁ ଆମକୁ ସୁରକ୍ଷା ଦେଇପାରିବ ବୋଲି ଶ୍ରୀ ପଣ୍ଡା ପ୍ରକାଶ କରିଛନ୍ତି  । ସେହିପରି ୨ ଡିଜି ଔଷଧ ସମ୍ପ୍ରତି ଆଶା ସଂଚାର କରିଛି ବୋଲି ସେ କହିଛନ୍ତି ।

Powered by Froala Editor