ନୂଆଦିଲ୍ଲୀ: କରୋନା ଟିକାକରଣ ପାଇଁ ନାମ ପଞ୍ଜୀକରଣ କରାଯାଉଥିବା ପୋର୍ଟାଲ ‘କୋୱିନ’ରେ ୪ ସଂଖ୍ୟା ବିଶିଷ୍ଟ ସୁରକ୍ଷା ଚାବି (ସିକୁ୍ୟରିଟି କୋର୍ଡ) ବ୍ୟବସ୍ଥା କରାଯାଇଛି । ଏହା ଶନିବାର ୮ ତାରିଖରୁ କାର୍ଯ୍ୟକାରୀ ହେବ । ଏହା ଦ୍ୱାରା ନାମ ପଞ୍ଜୀକରଣ ଓ ଟିକାକରଣ ସ୍ଥିତି ସମ୍ପର୍କିତ ତ୍ରୁଟି ସୁଧାରି ହେବ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି । ଟିକାକରଣ ପାଇଁ ନାମ ପଞ୍ଜୀକରଣ କରୁଥିବା ହିତାଧିକାରୀ ବାସ୍ତବରେ ଟିକା ନେଇ ନ ଥିଲେ ମଧ୍ୟ ତାଙ୍କ ନିକଟରେ ଟିକା ନେଇଥିବାର ସୂଚନା ପହଞ୍ଚିଥିବା ଦେଖାଯାଉଛି । ଏଭଳି ଭୁଲ ସୁଧାରିବା ପାଇଁ କର୍ତ୍ତୃପକ୍ଷ ନୂଆ ପଦକ୍ଷେପ ନେଇଛନ୍ତି । ଅନଲାଇନ ପଞ୍ଜୀକରଣ ପରେ ଏଣିକି ଏକ ୪ ସଂଖ୍ୟା ବିଶିଷ୍ଟ ସୁରକ୍ଷା ଚାବି ହିତାଧିକାରୀଙ୍କ ପାଇଁ ଉପଲବ୍ଧ ହେବ । ଏହା ହିତଧିକାରୀଙ୍କ ପାଇଁ ଉଦ୍ଧିଷ୍ଟ ଟିକାକରଣ ସୂଚନା ବାର୍ତ୍ତାରେ ଉଲ୍ଲେଖ ରହିବ । ଟିକାକରଣ କର୍ମଚାରୀ ଏହା ଜାଣିବେ ନାହିଁ । ଟିକାକରଣ ପୂର୍ବରୁ ଟିକା ଦେଇଥିବା ଅଧିକାରୀ ଏହି ୪ ସଂଖ୍ୟା ବିଶିଷ୍ଟ ଚାବି ବା କୋଡ ସମ୍ପର୍କରେ ଅବଗତ ହେବେ ଏବଂ ଏହାକୁ ‘କୋୱିନ’ ଲିପିବଦ୍ଧ କରିବେ । ଏହା ଦ୍ୱାରା ଟିକାକରଣ ଜନିତ ଭୁଲ ଭଟକା ରହିବ ନାହିଁ । ଏହା ଦ୍ୱାରା ଟିକାକରଣ ହୋଇଥିବା ନିଧାର୍ଯ୍ୟ ହେବ । ଏହି ବ୍ୟବସ୍ଥା କେବଳ ଅନଲାଇନ ପଞ୍ଜୀକରଣ କ୍ଷେତ୍ରରେ ପ୍ରଯୁଜ୍ୟ ହେବ ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି ।

Powered by Froala Editor