କଟକ ଜିଲ୍ଲା ମାହାଙ୍ଗା ବ୍ଲକ ଲଳିତଗିରି ପଞ୍ଚାୟତ ତାଳଗିରି ଗାଁରେ ଦିଲ୍ଲୀପ ସ୍ୱାଇଁଙ୍କ ୩ ବର୍ଷର ପୁଅ ଭବାନୀ ରାତିରେ ବଡ଼ ବାପା ଓ ବଡ଼ ମା ପାଖରେ ଶୋଇଥିବା ବେଳେ ଖଟରୁ ଖସି ପଡିବାରୁ ମୃତ୍ୟୁ ଘଟିଛି । ମାହାଙ୍ଗା ପୋଲିସ ଘଟଣାସ୍ଥଳରେ ପହଞ୍ଚି  ଶବ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ କଟକ  ବଡ଼ ଡାକ୍ତରଖାନାକୁ ପଠାଇଛି। ତେବେ ଶିଶୁକୁ କେହି ଜାଣିଶୁଣି ମାରିଦେଇଥିବା ସନ୍ଦେହ କରିଛନ୍ତି ମୃତ ଶିଶୁର ମାଆ ନିବେଦିତା ପ୍ରଧାନ। ଏହି ଘଟଣା ନେଇ ସେ ପୁଲିସ ନିକଟରେ ତଦନ୍ତ ଦାବି କରିଛନ୍ତି।

ରଜ ପାଇଁ ନିବେଦିତା ଓ ଶିଶୁ ମାମୁ ଘରକୁ ଯାଇଥିଲେ, କିନ୍ତୁ ପହିଲି ରଜ ଦିନ ଶିଶୁର ଜନ୍ମ ଦିନ ଥିବାରୁ ପରିବାର ଲୋକ ଭଣଜାକୁ ପଠେଇ ଶିଶୁକୁ ନିଜ ଘରକୁ ଆଣିଥିଲେ। ରାତିରେ ଶିଶୁ ଭବାନୀ ବଡ଼ ବାପା ଓ ବଡ ମା ପାଖରେ ଶୋଇଥିବା ବେଳେ ସକାଳୁ ଖଟ ତଳେ ପଡିଥିବାର ଘର ଲୋକ ଦେଖିଥିଲେ। ଭବାନୀ ର ବଡ ମା ଖଟ ତଳେ ମରି ଯାଇଥିବା କହୁଥିବା ବେଳେ ଶିଶୁର ଜେଜେ ଜୀବିତ ଥିବା ଓ ପରିସ୍ରା କରିବା କଥା କହିବା ସାଧାରଣରେ ସନ୍ଦେହ ସୃଷ୍ଟି କରିଛି। ଘର ପରିବାର ପକ୍ଷରୁ ପୃଥକ ପୃଥକ ବୟାନ ଦେବା ଓ କାହାରି କଥାନ ମିଶିବା ସନ୍ଦେହ ସୃଷ୍ଟି ହୋଇଛି। ମୋ ପୁଅକୁ ହତ୍ୟା କରାଯାଇଛି ବୋଲି ସଂଘାତିକ ଅଭିଯୋଗ ଆଣିଛନ୍ତି ଭବାନିର ମା। ରଜ ଥିବାରୁ ଶିଶୁକୁ ଘରକୁ ସକାଳୁ ଆଣି ବୁଲା ବୁଲି କରି ସନ୍ଧ୍ୟାରେ ଶିଶୁର ମାମୁଁ ଘରେ ଛାଡ଼ିବାର ପ୍ରତିଶୃତି ଦେଇଥିଲେ ମାକୁ କିନ୍ତୁ ସନ୍ଧ୍ୟାରେ ନଛାଡ଼ି ରାତିରେ ମୃତ୍ୟୁ ହେବା ସାଧାରଣରେ ମୃତ୍ୟୁ କୁ ନେଇ ସନ୍ଦେହ ହେଉଥିବା ବେଳେ ମୃତକର ଆଈ ମଧ୍ୟ ହତ୍ୟା ଅଭିଯୋଗ ଆଣିଛନ୍ତି।

ତେଣେ ପଙ୍ଖା ଶବ୍ଦ ସାଙ୍ଗକୁ ନିଦରେ ଶୋଇଥିବାରୁ ଶିଶୁ କେତେବେଳେ ଖଟରୁ ତଳେ ପଡ଼ିଛି ଜାଣିନଥିବା କହିଛନ୍ତି ଶିଶୁର ବଡ଼ବୋଉ ବାସନ୍ତୀ ରାଉତ। ଅଭିଯୋଗ ପରେ ମାହାଙ୍ଗା ପୋଲିସ ଘଟଣାର ତଦନ୍ତ ଆରମ୍ଭ କରିଛି।

Powered by Froala Editor