ଖଣିରେ ବିସ୍ଫୋରଣ : ୧୦ ମୃତ, ୧୦ ଗୁରୁତର
ବିଶାଖାପାଟଣା: କରୋନା ମହାମାରୀ ଭିତରେ ଏକ ବଡ଼ ଅଘଟଣ ସାମନାକୁ ଆସିଛି । ତାହା ହେଲା ଖଣିରେ ବିସ୍ଫୋରଣ ଘଟି ୧୦ ଜଣଙ୍କ ମୃତୁ୍ୟ ହୋଇଛି । ଆନ୍ଧ୍ରପ୍ରଦେଶ କଡ଼ାପା ଜିଲ୍ଲା କାଲାସାପାଡୁର ମାମିଲାପାଲ୍ଲେ ଗ୍ରାମରେ ଏହି ଅଘଟଣ ଘଟିଛି । ମମିଲାପାଲେ ଖଣିରେ ଜିଲୋଟିନ ଷ୍ଟକ ଅନଲୋଡ ବେଳେ ଏହି ବିସ୍ଫୋରଣ ଘଟିଛି । ବିସ୍ଫୋରଣ ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ହିଁ ୧୦ ଜଣଙ୍କ ମୃତୁ୍ୟ ହୋଇଛି । ତେବେ ଏଥିରେ ଆଉ ୧୦ ଜଣ ଗୁରୁତର ଆହତ ହୋଇଛନ୍ତି । ଏନେଇ ଖବର ପାଇ ପ୍ରଶାସନ ପକ୍ଷରୁ ଗୁରୁତର ଆହତମାନଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ପୁଲିସ ଘଟଣାର ତଦନ୍ତ କରୁଛି । ତେବେ ଏଥିରେ ମୃତକଙ୍କ ସଂଖ୍ୟା ବଢିପାରେ ବୋଲି କୁହାଯାଇଛି ।
Powered by Froala Editor
