ଉତ୍ତର ପ୍ରଦେଶର ବୃନ୍ଦାବନ ଥାନା ଅଞ୍ଚଳ ଚାମୁଣ୍ଡା ଘାଟରେ ଅଭାବନୀୟ ଘଟଣା ଦେଖିବାକୁ ମିଳିଛି । ପାଣିରେ ଭାସୁଥିବା ଅବସ୍ଥାରେ ଏକ ନବଜାତ ଶିଶୁକୁ ଉଦ୍ଧାର କରାଯାଇଛି । କେହି ଜଣେ ଏକ ପାତ୍ରରେ ନିବଜାତ ଶିଶୁଟିକୁ ଭସାଇ ଦେଇଥିବା ବେଳେ ରାସ୍ତାରେ ଯାଉଥିବା କିଛି ସ୍ଥାନୀୟ ଲୋକେ ଏହାକୁ ଦେଖି ତୁରନ୍ତ ଉଦ୍ଧାର କରିଥିଲେ । ପୋଲିସ ତତ୍ତ୍ୱାବଧାନରେ ଶିଶୁଟିକୁ ତୁରନ୍ତ ହସ୍ପିଟାଲକୁ ନିଆଯାଇଥିଲା । ସେଠାରେ ଡ଼ାକ୍ତରମାନେ ତାର ଚିକିତ୍ସା କରିଛନ୍ତି । ଆଉ କିଛି ଦିନ ପାଇଁ ତାକୁ ଅବଜରବବେଶନ ରଖାଯିବ ବୋଲି ସୂଚନା ଦେଇଛନ୍ତି । 

ଡାକ୍ତରଙ୍କ ଅନୁଯାୟୀ ଶିଶୁଟି ଏବେ ସମ୍ପୂର୍ଣ୍ଣ ରୂପେ ସୁସ୍ଥ ଅଛି । ଏମିତି ଏକ ଅମାନବୀୟ କାଣ୍ଡ ପ୍ରକୃତ କାରଣ ସ୍ପଷ୍ଟ ହୋଇନଥିଲେ ମଧ୍ୟ ଡାକ୍ତରଙ୍କ ଅନୁଯାୟୀ, ନବଜାତକଟିର ଅବିକଶିତ ଲିଙ୍ଗକୁ ଲୁଚାଇବା ପାଇଁ ହିଁ ତାକୁ ଯମୁନା ନଦୀରେ ଭସାଇ ଦିଆଯାଇଥିଲା । ମାନେ ଶିଶୁଟି ଏକ ଟ୍ରାନ୍ସ ଜେଣ୍ଡର । ହୁଏତ ଏହି କାରଣ ପାଇଁ ହିଁ ଘର ଲୋକେ ତାକୁ ନଦୀରେ ଭସାଇ ଦେଇପାରନ୍ତି ଚିକିତ୍ସା କରୁଥିବା ଡାକ୍ତର ମତ ଦେଇଛନ୍ତି । ଶିଶୁଟିର ଓଜନ ପାଖାପାଖି 3 କେଜି ହେବ । ପରେ ସମ୍ପୂର୍ଣ୍ଣ ସୁସ୍ଥ ହେବାପରେ ଶିଶୁଟିକୁ ଚାଇଲ୍ଡ କେୟାରକୁ ପଠାଯିବ । ସେପଟେ ଘଟଣାକୁ ନେଇ ଅଧିକ ତଦନ୍ତ କରୁଛି ପୋଲିସ ।

Powered by Froala Editor