ନାଟ ମଣ୍ଡପରେ ଚଢ଼ିଗଲେ ବଙ୍ଗୀୟ ଯୁବକ
ଶ୍ରୀମନ୍ଦିର ନାଟମଣ୍ଡପ ଉପରକୁ ଆଜି ଜଣେ ବଙ୍ଗୀୟ ଯୁବକ ଚଢ଼ି ଯାଇଥିଲେ। ଚୂନରା ସେବକ ଓ ଜେଟିପି ମାନେ ମିଶି ତାଙ୍କୁ ଧରିଥିଲେ। ପୁଲିସ୍ ଏହି ବଙ୍ଗୀୟ ଯୁବକଙ୍କୁ ଅଟକ ରଖିଛି। ପ୍ରଥମେ ଜଗନ୍ନାଥ ମନ୍ଦିର ପୋଲିସ ଉକ୍ତ ଯୁବକଙ୍କୁ ଉଦ୍ଧାର କରିଥିବାବେଳେ ସିଂହଦ୍ୱାର ଥାନାରେ ସେ ଅଟକ ରହିଛନ୍ତି ।
ଅଟକ ଯୁବକଙ୍କ ନାଁ ରାକେଶ ହଜେରା। ରାକେଶ ଆଜି ମଧ୍ୟାହ୍ନରେ ଧୁକୁଡ଼ି ଦ୍ୱାର ଦେଇ ଦର୍ଶନ କରିବାକୁ ଚେଷ୍ଟା କରିଥିଲେ। କିନ୍ତୁ ସେଠାରେ ନିୟୋଜିତ ଜେଟିପିମାନେ ତାଙ୍କୁ ବାଧା ଦେଇଥିଲେ। କାରଣ କୌଣସି ଭକ୍ତଙ୍କୁ ସେହି ଦ୍ୱାର ଦେଇ ଦର୍ଶନ ପାଇଁ ଯିବାକୁ ଅନୁମତି ନାହିଁ। ତା’ପରେ ସେ ଘଣ୍ଟି ଦ୍ୱାର ଦେଇ ନାଟମଣ୍ଡପରେ ଚଢ଼ି ଜଗମୋହନ ଆଡ଼କୁ ଅଗ୍ରସର ହେଉଥିବା ବେଳେ କିଛି ସେବାୟତ ଓ ଜେଟିପି ତାଙ୍କୁ ଦେଖିଥିଲେ। ଏହା ସମୟରେ କିଛି ସେବାୟତ ତାଙ୍କୁ ଦେଖିଥିଲେ। ଏହା ପରେ ଚୂନରା ସେବକ ଓ ଜେଟିପି ମାନେ ତାଙ୍କୁ ନାଟମଣ୍ଡପରୁ ତଳକୁ ଆଣିଥିଲେ। ତତକ୍ଷଣାତ ତାଙ୍କୁ ଉଦ୍ଧାର କରି ସିଂହଦ୍ୱାର ଥାନାକୁ ହସ୍ତାନ୍ତର କରିଥିଲେ । ସିଂହଦ୍ୱାର ପୋଲିସ ତାଙ୍କୁ ଥାନାରେ ଅଟକ ରଖିଛି । କେଉଁ କାରଣରୁ ଯୁବକ ଜଣକ ନାଟମଣ୍ଡପ ଉପରେ ଚଢ଼ିଥିଲେ, ତାହା ସ୍ପଷ୍ଟ ହୋଇନାହିଁ।
Powered by Froala Editor
