ପୁଣି ରାଜ୍ୟ ସରକାରଙ୍କୁ ଟାର୍ଗେଟ କଲେ ଅପରାଜିତା
ପୁରୀ: ହାଇକୋର୍ଟରେ ଏଏସଆଇର ସତ୍ୟପାଠ ପରେ ସାଂସଦ ଅପରାଜିତା ପୁଣି ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି । ରାଜ୍ୟସରକାରଙ୍କୁ ଟାର୍ଗେଟ କରି ସେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନିର୍ମାଣ ନେଇ ପ୍ରଶ୍ନ କରିଛନ୍ତି । ସେ କହିଛନ୍ତି ମହାପ୍ରଭୁ ଜଗନ୍ନାଥ ନିଜେ ନିଜକୁ ରକ୍ଷା କରିବାକୁ ଚେଷ୍ଟା କରୁଛନ୍ତି । ଏକ ନିର୍ବାଚିତ ସରକାରଙ୍କ ବେଆଇନ୍ କାର୍ଯ୍ୟରୁ ରକ୍ଷା ପାଇବାକୁ ଚେଷ୍ଟିତ ।
ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ, ଐତିହାସିକ କୀର୍ତ୍ତିରାଜିର ଅପୂରଣୀୟ କ୍ଷତି ହୋଇଥିବା ଏଏସଆଇ ରିପୋର୍ଟରେ ରହିଛି । କୀର୍ତ୍ତିରାଜି ଉପରେ ପ୍ରଭାବ ପଡିବକି ନାହିଁ, ତା’ର ଅନୁଧ୍ୟାନ ହୋଇନି ବୋଲି ଦର୍ଶାଯିବା ସହ କୌଣସି ଭୂତଳସ୍ତରୀୟ (ଜିପିଆର) ହୋଇନି ବୋଲି ଉଲ୍ଲେଖ ରହିଛି ।
ବଡ ବଡ ଗାତ ଖୋଳି ନୀର୍ମାଣ ନେଇ ଅନୁମତି ପ୍ରଦାନ କରାଯାଇନାହିଁ । ନିର୍ମାଣରେ ସାଧାରଣ ଲୋକଙ୍କ ବିପୁଳ ଅର୍ଥ ଜବରଦସ୍ତ ଖର୍ଚ୍ଚ କରାଯାଉଛି । ଏହି ଅର୍ଥରେ ୧୦୦ମିଟର ନିଷିଦ୍ଧାଞ୍ଚଳ ବାହାରେ ଏହି ନିର୍ମାଣ କରାଯାଇପାରିଥାନ୍ତା ଓ ଯଦି କାଲି ନିର୍ମାଣ ବେଆଇନ୍ ଘୋଷଣା ହୁଏ, ଦାୟୀ କିଲ ରହିବ ବୋଲି ଅପରାଜିତା ପ୍ରଶ୍ନ କରିଛନ୍ତି ।
Powered by Froala Editor
