ବେଜିଂ: ଆସନ୍ତା ସେପ୍ଟେମ୍ବର ମାସ ୧୦ ତାରିଖରୁ ଚୀନର ହାଙ୍ଗଝୌରେ ଏସୀୟ କ୍ରୀଡ଼ାର ୧୯ ତମ ସଂସ୍କରଣ ଆରମ୍ଭ ହୋଇଥାନ୍ତା । କିନ୍ତୁ କରୋନା ମହାମାରୀ ପାଇଁ ଶେଷରେ ଚଳିତ ବର୍ଷ କ୍ରୀଡ଼ାକୁ ସ୍ଥଗିତ ଘୋଷଣା କରାଯାଇଛି । ଅଲିମ୍ପିକ କାଉନସିଲ ଅଫ ଏସିଆ ଆଜି ଏ ବିଷୟରେ ଘୋଷଣା କରିଛି । ଖୁବଶୀଘ୍ର କ୍ରୀଡ଼ାର ନୂଆ ସୂଚୀ ଘୋଷଣା ହେବ ବୋଲି ଓସିଏ(ଅଲିମ୍ପିକ କାଉନସିଲ ଅଫ ଏସିଆ)ପକ୍ଷରୁ କୁହାଯାଇଛି ।

କିନ୍ତୁ ଏବେ ଚୀନ୍‌ ପକ୍ଷରୁ କୁହାଯାଇଛି ଯେ ଆଉ ଆୟୋଜିତ ହେବନି ଏସିଆନ୍‌ ଗେମ୍‌ସ।

ଏସିଆନ୍‌ ଅଲମ୍ପିକ୍‌ କାଉନ୍‌ସିଲ୍‌ ପକ୍ଷରୁ କୁହାଯାଇଛି ଯେ ଏବେ ଏହି ଗେମ୍‌କୁ ସ୍ଥଗିତ ରଖାଯାଇଛି। କିନ୍ତୁ ଖେଳକୁ ସ୍ଥଗିତ ରଖାଯିବା ପଛର କାରଣ ସମ୍ପର୍କରେ କୌଣସି ସୂଚନା ଦିଆଯାଇନାହିଁ। ମାତ୍ର କୁହାଯାଉଛି ଯେ ପୁଣିଥରେ କରୋନା ଭାଇରସ୍‌ର ପ୍ରକୋପ ବଢ଼ୁଥିବାରୁ ଖେଳକୁ ରଦ୍ଦ ରଖାଯାଇଛି। ଚୀନ୍‌ରେ କରୋନାସଂକ୍ରମଣ ପୂର୍ବାପେକ୍ଷା ଅଧିକ ବଢ଼ିଛି। ସଂକ୍ରମଣ ସହ ତାଳ ଦେଇ ମୃତ୍ୟୁ ହାର ବି ବଢ଼ୁଛି। ଏଣୁ ଦେଶରେ କୌଣସି ଅନ୍ତର୍ଜାତୀୟ କାର୍ଯ୍ୟକ୍ରମ ଆୟୋଜନ କରିବାକୁ ସରକାର ଚାହୁଁ ନାହାନ୍ତି।

ପ୍ରକାଶ ଯେ ଏବେ ଚୀନ୍‌ରେ ଧୀରେ ଧୀରେ କରୋନା ସଂକ୍ରମଣ ବଢ଼ିବାରେ ଲାଗିଛି। ପୂର୍ବରୁ କିଛି ଦିନ କରୋନାରେ ବ୍ରେକ୍‌ ଲାଗିଥିବା ବେଳେ ଏବେ ପୁଣିଥରେ ବ୍ୟାପିବାରେ ଲାଗିଛି ଏହି ମହାମାରୀ। କରୋନା ସଂକ୍ରମଣ ଏତେ ବେଗରେ ବ୍ୟାପୁଛି ଯେ ଚୀନ୍‌ର କେତେକ ସହରରେ ଲକ୍‌ଡାଉନ୍‌ ବି ଲାଗୁ କରାଯାଇଛି। ଲୋକଙ୍କୁ ପଦାକୁ ବାହାରିବାକୁ ମନା କରାଯାଇଛି। ଯଦି କେହି ନିୟମ ନ ମାନେ ତେବେ ତା’ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ବି ଗ୍ରହଣ କରାଯାଉଛି। ନିକଟରେ ପ୍ରକାଶିତ ଏକ ରିପୋର୍ଟ ମୁତାବକ, ଏବେ ଚୀନ୍‌ରେ କରୋନା ସ୍ଥିତି ପୂର୍ବ ତୁଳନାରେ ଆହୁରି ସାଂଘାତିକ ହୋଇଛି। ଏଠାରେ ମୃତ୍ୟୁ ହାର ବି ବଢ଼ୁଛି। ଏଭଳି ସ୍ଥିତିରେ ଏସିଆନ୍‌ ଗେମ୍‌ସ ଆୟୋଜନ କରି ଆଉ ଚିନ୍ତା ବଢ଼ାଇବାକୁ ଚାହୁଁ ନାହାନ୍ତି ଚୀନ୍‌ ସରକାର। ଏଣୁ ସେ ଏସିଆନ୍‌ ଗେମ୍‌କୁ ସ୍ଥଗିତ ରଖିଛନ୍ତି।

Powered by Froala Editor