ସାମ୍ବା ବର୍ଡରରେ ଗୁପ୍ତ ସୁଡ଼ଙ୍ଗ
![ସାମ୍ବା ବର୍ଡରରେ ଗୁପ୍ତ ସୁଡ଼ଙ୍ଗ](https://odishanewslens.com/news_gallery/13083_1651750941.jpg)
ଜମ୍ମୁ-କଶ୍ମୀର ସୀମା ନିକଟ ସାମ୍ବା ବର୍ଡରରୁ ଏକ ସନ୍ଦିଗ୍ଧ ସୁଡଙ୍ଗର ସନ୍ଧାନ ମିଳିଛି । ଚାକ ଫାକିରାର ସୀମା ଆଉଟପୋଷ୍ଟ ଅଞ୍ଚଳରେ ବିଏସ୍ଏଫ୍ ଯବାନମାନେ ଏହି ସୁଡଙ୍ଗର ସନ୍ଧାନ କରିଛନ୍ତି । ମିଳିଥିବା ଏହି ସୁଡଙ୍ଗଟି ଆଇବିରରୁ ୧୫୦ ମିଟର ଦୂରରେ ଏବଂ ସୀମାର ବାଡ ଠାରୁ ୫୦ ମିଟର ଦୂରରେ ଅଛି । ଏହି ସୁଡଙ୍ଗକୁ ଭାରତ ପଟୁ ୯୦୦ମିଟର ଦୂରରେ ଥିବା ପାକିସ୍ତାନୀ ପୋଷ୍ଟ ଚାମନ ଖୁର୍ଡ (ଫିଆଜ) ସମ୍ମୁଖରୁ ଚିହ୍ନଟ କରାଯାଇଛି ।
ସନ୍ଦିଗ୍ଧ ଟନେଲର କିଛି ଫଟୋ ଶେୟାର କରି ବିଏସଏଫ (ଜାମ୍ମୁ) ଡେପୁଟି ଇନ୍ସପେକ୍ଟର ଜେନେରାଲ ଏସ୍ପି ସାନ୍ଧୁୁ କହିଛନ୍ତି, ସାମ୍ବାରେ ଥିବା ୱାଡ଼ ନିକଟରେ ଏକ ସାଧାରଣ ଅଞ୍ଚଳରୁ ଏହି ସୁଡଙ୍ଗ ମିଳିଛି । ଅନ୍ଧକାର ହେତୁ ଅଧିକ ସନ୍ଧାନ କରାଯାଇପାରି ନାହିଁ । ସକାଳ ହେଲେ ଅଧିକ ସନ୍ଧାନ କରାଯିବ ।
ସେପଟେ ଆଇଜି ବିଏସ୍ଏଫ୍ ଜମ୍ମୁ କହିଛନ୍ତି, ଦେଢ଼ ବର୍ଷରୁ ବି କମ୍ ସମୟ ମଧ୍ୟରେ ସୀମାରୁ ମିଳିଥିବା ଏହା ପଞ୍ଚମ ସୁଡଙ୍ଗ । ଏହି ସୁଡଙ୍ଗର ବ୍ୟବହାର ଆତଙ୍କବାଦୀ ସଙ୍ଗଠନ ଜୈଶ-ଏ-ମହୋମ୍ମଦ ଦୁଇଟି ଆତ୍ମଘାତି ବିସ୍ଫୋରଣ ଘଟାଇବା ପାଇଁ ବ୍ୟବହାର କରିଥିବା ସନ୍ଦେହ କରାଯାଉଛି ।
Powered by Froala Editor